جاڭاوزەندە ءورت ءسوندىرۋ كولىگى مەن Lifan ماركالى جەڭىل كولىك سوقتىعىسىپ، سالدارىنان ەكى ادام قازا تاپتى. تاعى بىرنەشە ادام ءتۇرلى جاراقاتپەن اۋرۋحاناعا جەتكىزىلدى، دەپ حابارلايدى Dalanews.kz.
جول اپاتى 18 قاڭتارعا قاراعان ءتۇنى مانات كوشەسىندە بولعان. الدىن الا مالىمەت بويىنشا شاقىرتۋعا بارا جاتقان ءورت ءسوندىرۋ كولىگى Lifan كولىگىمەن سوقتىعىسقان. سوققى سالدارىنان ارنايى تەحنيكا قورشاۋعا جانە جەكەمەنشىك تۇرعىن ۇيگە سوعىلعان.
ماڭعىستاۋ وبلىستىق پوليسيا دەپارتامەنتىنىڭ مالىمەتىنشە، وقيعا سالدارىنان ەكى ادام كوز جۇمدى.
بەس ادام زارداپ شەككەن، ولاردىڭ ۇشەۋى - ورتكە قارسى قىزمەتتىڭ قىزمەتكەرلەرى. بارلىعى مەديسينالىق مەكەمەلەرگە جەتكىزىلگەن.
