مەملەكەت باسشىسى قاسىم-جومارت توقايەۆ قاڭتار بيىل جىل باسىندا ەلىمىزدىڭ اۋماقتىق دامۋىنا قاتىستى ماڭىزدى شەشىمدەر قابىلداعانى بارشامىزعا ءمالىم. توقسانىنشى جىلدارداعى توقىراۋ كەزەڭدە ەكونوميكالىق قيىنشىلىقتارعا بايلانىستى ەلىمىزدەگى ءبىرقاتار وبلىستارى بىرىكتىرىلگەن ەدى. ال ءقازىر جاعداي تۇبىرىمەن وزگەردى. ءقازىر جاعداي جاقسارىپ، حالىقتىڭ الەۋەمتتىك تۇراقتالدى. وسىلايشا بىزدەر ەلىمىزدىڭ اۋماقتىق دامۋىنىڭ جاڭا كەزەڭىنە اياق باستىق.

قاراعاندى وبلىسىنان ۇلىتاۋ وبلىسىنىڭ، شىعىس قازاقستان وبلىسىنان اباي وبلىسىنىڭ جانە الماتى وبلىسىنان جەتىسۋ وبلىسىنىڭ ءبولىنىپ شىعۋى الەۋمەتتىك-ەكونوميكالىق تۇرعىدان قابىلداعان شەشىم دەسەك بولادى.

تاۋەلسىزدىك جىلدارى ەلوردامىز استانانى سالۋعا ايرىقشا كوڭىل ءبولىنىپ، وبلىستارعا ءتيىستى دەڭگەيدە كوڭىل بولىنبەگىنە جاسىرىن ەمەس.

مەملەكەت باسشىسى وسى ءبىر وزەكتى ماسەلەگە ايرىقشا كوڭىل ءبولىپ، ەلىمىز ءۇشىن ماڭىزدى شەشىم قابىلداعانى دۇرىس بولدى. جاڭا وبلىستاردى قۇرۋ ايتار اۋىزعا جەڭىل دۇنيە بولعانىمەن جاڭا وبلىستاردىڭ اۋماقتىق تەرريتورياسىن انىقتاپ، اكىمشىلىك باسقارۋ جۇيەسىن قۇرۋ ءۇشىن ءبىراز ۋاقىت قاجەت.

جاڭا وبلىستاردى قۇرۋ كەزىندە جەرگىلىكتى حالىقتىڭ پىكىرى دە ەسكەرىلگەنىن ايتا كەتۋىمىز كەرەك. تاۋەلسىزدىك جىلدارى شىعىس قازاقستان وبلىسىنىڭ قۇرامىنداعى بولعان سەمەي قالاسى قاتتى جۇدەپ-جاداعانى جاسىرىن ەمەس. ەندى سەمەي قالاسى جەكە-دارا اباي وبلىسىنىڭ ورتالىعى رەتىندە قايتا قۇرىلىپ، دامۋدىڭ جاڭا كەزەڭىنە اياق باسايىن دەپ تۇر.

مەملەكەتتىك باسقارۋ جۇيەسى بارلىق ايماقتاردىڭ تەڭ دارەجەدە دامۋىن قامتاماسىز ەتۋى ماڭىزدى. سول كەزدە ەلىمىزدىڭ ەكونوميكالىق قۋاتى ارتىپ، حالىقتىڭ الەۋمەتتىك جاعدايى ارتا تۇسەتىنى انىق. مۇنداي كەزەڭدە مەملەكەتتىڭ باسقارۋ جۇيەسىنىڭ وڭ باعىتتا جۇمىس ىستەپ جاتقانىن باعامداۋعا بولادى. وسى تۇرعىدان العاندا مەملەكەت باسشىسىنىڭ ەلىمىزدە جاڭا وبلىستاردى قۇرىپ، ولاردىڭ دا جان-جاقتى دامۋىنا ءمان بەرۋ ماڭىزدى باستاما ەكەنى ءسوزسىز.

قولعا الىنعان اۋماقتىق دامۋ باعىتىنداعى جۇمىستار ايماقتاردىڭ الەۋمەتتىك-ەكونوميكالىق داۋىنداعى تەڭگەرىمسىزدىكتى جويىپ، حالىقتىڭ الەۋمەتتىك جاعدايىنىڭ جاقسارۋىنا سەپتىگىن تيگىزەتىن بولادى.

بۇل باعىتتاعى جۇمىستار 5 ميلليوننان استام ادامنىڭ تۇرمىس جاعدايىنا جاقسارۋىنا اسەر ەتەتىن بولادى.

وسى رەتتە كوزى قاراقتى وقىرماندارى «ەلىمىزدە جاڭا وبلىستاردىڭ پايدا بولۋى حالىقتىڭ تۇرمىس جاعدايىنا قالاي اسەر ەتەدى؟» دەپ سۇرايتىنى انىق. بۇعان جاۋاپ بەرىپ كەتۋدىڭ ماڭىزى زور. ايتالىق، وسىعان دەيىن شالعايدا جاتقان اۋىل-ايماقتاردا تۇراتىن ازاماتتار قاندايدا ءبىر قاعاز قۇجاتتىڭ رەتتەۋ ءۇشىن وبلىس ورتالىعىنا بارۋ ءۇشىن ۇزاق جول جۇرۋىنە تۋرا كەلگەن ەدى. ايتالىق، الماتى وبلىسىنا قاراستى جامبىل اۋدانىنىڭ تۇرعىندارى وبلىس ورتالىعى تالدىقورعانعا بارۋى ءۇشىن ءبىراز قارجىسى مەن ۋاقىتىن جوعالاتىپ كەلدى. ەندى جامبىل مەن تالعار اۋدانىنىڭ تۇرعىندارى 300 شاقىرىم قاشىقتىقتا جاتقان تالدىقورعانعا شاپقىلامايدى. بار شارۋاسىن 100 شاقىرىم جەردەگى قونايەۆ قالاسىنا بارىپ ءبىتىرىپ، تۇسكە دەيىن ۇيىنە كەلىپ الادى. وسىلايشا ونداعان مىڭ ادام اقشاسى مەن ۋاقىتىن ۇنەمدەيدى.

قازاقتىڭ جەرى ۇلكەن. سول سەبەپتى تاۋاردىڭ وزىندىك قۇنىنىڭ ءبىراز بولىگى جول شىعىنىنا كەتەتىنى جاسىرىن ەمەس. ەلىمىزدە سوڭعى رەت ورىن العان اۋماقتىق-اكىمشىلىك ءبولىنىس زامان سۇرانىسىنان تۋىنداعان دۇنيە. سوندىقتان مەملەكەت باسشىسى قاسىم-جومارت توقايەۆتىڭ بۇل باستاماسىن قاراپايىم حالىق قولداپ وتىر.