پروكۋرور ولجاس حايروللاەۆ زاڭسىز كەسٸپكەرلٸكپەن اينالىسۋ جەنە قىلمىستىق جولمەن كەلگەن قاراجاتتى زاڭداستىرۋ كٷدٸگٸمەن ايىپتالعان بلوگەرلەر ەربولات جانەبٸلوۆ پەن ەلميرا تٶلەگەنوۆاعا قاتىستى مەمٸلە بويىنشا ۇستانىمىن جارييالادى, دەپ حابارلايدى Dalanews.kz.
مەملەكەتتٸك ايىپتاۋشى ەربولات جانەبٸلوۆكە ەكٸ جىل جازا تاعايىنداۋدى سۇراپ, قىلمىستىق كودەكستٸڭ 55-بابىن قولدانا وتىرىپ, مٷلكٸن تەركٸلەۋمەن بٸرگە شارتتى تٷردە باس بوستاندىعىنان ايىرۋدى ۇسىندى.
ال ەلميرا تٶلەگەنوۆاعا ەكٸ جىلعا باس بوستاندىعىنان ايىرۋ جازاسىن تاعايىنداپ, ونى قاۋٸپسٸزدٸگٸ ەڭ تٶمەن مەكەمەدە ٶتەۋ جەنە جازانىڭ ورىندالۋىن ەكٸ جىلعا كەيٸنگە قالدىرۋ ۇسىنىلدى.
ايتا كەتەيٸك, بۇعان دەيٸن بلوگەر ەلميرا تٶلەگەنوۆا سوتتا سوڭعى سٶزٸن ايتتى. بلوگەرلەر زاڭسىز كەسٸپكەرلٸكپەن اينالىسۋ, قىلمىستىق جولمەن كەلگەن اقشا مەن ٶزگە دە مٷلٸكتٸ زاڭداستىرۋ بويىنشا ايىپتالىپ وتىر.
