ءقازىر قالا باسشىلىعى ەسكى ءۇي يەلەرىمەن كەلىسسوزدەر جۇرگىزۋدە. كوپشىلىگى سۋ جاڭا باسپاناعا كوشەمىز دەپ قۋانىپ جۇرسە، ەندى ءبىر بولىگى ساپاسىز ۇيگە بارمايمىز دەپ تاپجىلماي وتىر.
بۇل قالانىڭ قاق ورتاسىندا ورنالاسقان ەڭ ەسكى تۇرعىن ۇيلەردىڭ ءبىرى. 2013 جىلى مەملەكەتتىك باعدارلاما بويىنشا ءسۇرۇلۋى ءتيىس بولعان. ءبىراق ءالى كۇنگە مۇندا ادامدار تۇرادى. سۆەتلانا ۆوستريكوۆا اكىمدىك قىزمەتكەرلەرىمەن ءۇش جىلدان بەرى سوتتاسىپ جۇرگەندەردەردىڭ ءبىرى. ول اق جاعالالىلار ءوز ۇيىمنەن زاڭسىز قۋىپ شىققىسى كەلدى دەپ وتىر.
− ۇيلەرىڭ سۇرىلەدى دەدى دا، سۋىمىز بەن جارىعىمىزدى كەسىپ تاستادى. ادامداردىڭ بارلىعى امالسىز ولاردىڭ بەرگەن ساپاسىز، سىلاعى ءتۇسىپ جاتقان ۇيىنە كوشتى. مەن نەگە وندا بارۋىم كەرەك. بەرگەن اقشالارى ەشتەڭەگە جەتپەيدى. سەكسەننەن اسقان اكەم بار. ءبىز سوڭىنا دەيىن بارامىز، − دەيدى سۆەتلانا ۆوستريكوۆا.
ءۇش جىلدان استام ادام توزگىسىز جاعدايدا تۇرعانى ءۇشىن سۆەتلانا ەندى اكىمدىكتەن مارالدىق-ماتەريالدىق شىعىن دا تالاپ ەتپەك. ەسكى بولسا دا ۇيىمىزدەن كەتپەيمىز دەپ وتىرعان تەك سۆەتلانا ەمەس. گوگول مەن ءشارىپوۆ كوشەلەرىنىڭ قيىلىسىنداعى ءۇيدىڭ تۇرعىندارىنىڭ بارلىعى دەرلىك باسپانالارى سۇرىلەتىن عيماراتتار تىزىمىندە ەكەنىن بىلگەندە توبەدەن جاي تۇسكەندەي تاڭقالىپتى.
− ءبىز بۇل باعدارلامانى قارادىق. ارينە جاقسى ءۇي بەرەمىز، جاعدايلارىڭدى جاسايمىز دەپ ۇگىتتەدى. ءبىراق بۇعان دەيىن سالىنعان ۇيلەردىڭ ءبارى ناشار. سىلاقتارى قۇلاپ، جارىقشالار پايدا بولىپ جاتىر. ءجۇز جىل تۇرسا دا مىنا ءۇيدىڭ ساپاسى ءجۇز ەسە ارتىق، − دەيدى ەلەنا شاياحمەتوۆا.
قالا تۇرعىندارىنىڭ الاڭداۋى دا بەكەر ەمەس. الماتى اكىمىنىڭ ءوزى ەسكى ۇيلەردىڭ ورنىنا سالىنىپ جاتقان عيماراتتاردىڭ ساپاسى سىن كوتەرمەيتىنىن ايتقان. ال قۇرىلىسشىلار بارلىعىنا بىردەي جاعۋ مۇمكىن ەمەس دەپ وتىر. الايدا، اكىمدىك قىزمەتكەرلەرى ەشكىمدى ماجبىرلەمەيمىز. تەك ءتۇسىندىرۋ جۇمىستارىن جۇرگىزەمىز. كوشۋ-كوشپەۋ جاعىن وزدەرى شەشەدى دەيدى.
− حالىقپەن جۇمىس ىستەۋ ءارقاشان قيىن عوي. بارىنە جاعۋ مۇمكىن ەمەس. شامامىز كەلگەنشە ءتۇسىندىرىپ جاتىرمىز. ولار تۇرىپ جاتقان ءۇي ءقاۋىپتى. قۇلاپ كەتسە وزدەرىنە جامان بولادى. سول ءۇشىن جاڭا ۇيلەرگە كوشىندەر دەپ ءتۇسىندىرىپ جاتىرمىز، − قۇرىلىس مەكەمەسىنىڭ ديرەكتورى اسقار ماپايەۆ.
ورتالىقتا تۇراتىندار مەملەكەتتىك باعدارلاماعا جاپپاي قارسىلىق تانىتىپ ۇيىمىزدەن كەتپەيمىز دەپ جاتسا، تۇركسىب اۋدانىنىڭ تۇرعىندارى بۇگىن كوشۋگە دايىن.
الماتى قالاسى تۇرعىن ۇيلەردى جاڭعىرتۋ باعدارلاماسى بويىنشا 2012-2015 جىلدارى 48 ءۇي ءسۇىرىلىپ ورنىنا 51 ءۇي سالىنسا، 2024 جىلعا دەيىن تاعى مىڭنان استام ءۇي ءسۇرىلىپ ورنىنا جاڭاسى سالىنباق.
اسىل ءادىلحان ۇلى
دەرەككوزى: كتك ارناسى
