Jańa úiden eski úiim jaqsy
Qazir qala basshylyǵy eski úi ielerimen kelissózder júrgizýde. Kópshiligi sý jańa baspanaǵa kóshemiz dep qýanyp júrse, endi bir bóligi sapasyz úige barmaimyz dep tapjylmai otyr.
Bul qalanyń qaq ortasynda ornalasqan eń eski turǵyn úilerdiń biri. 2013 jyly memlekettik baǵdarlama boiynsha súrúlýi tiis bolǵan. Biraq áli kúnge munda adamdar turady. Svetlana Vostrikova ákimdik qyzmetkerlerimen úsh jyldan beri sottasyp júrgenderderdiń biri. Ol aq jaǵalalylar óz úiimnen zańsyz qýyp shyqqysy keldi dep otyr.
− Úileriń súriledi dedi da, sýymyz ben jaryǵymyzdy kesip tastady. Adamdardyń barlyǵy amalsyz olardyń bergen sapasyz, sylaǵy túsip jatqan úiine kóshti. Men nege onda barýym kerek. Bergen aqshalary eshteńege jetpeidi. Seksennen asqan ákem bar. Biz sońyna deiin baramyz, − deidi Svetlana Vostrikova.
Úsh jyldan astam adam tózgisiz jaǵdaida turǵany úshin Svetlana endi ákimdikten maraldyq-materialdyq shyǵyn da talap etpek. Eski bolsa da úiimizden ketpeimiz dep otyrǵan tek Svetlana emes. Gogol men Sháripov kósheleriniń qiylysyndaǵy úidiń turǵyndarynyń barlyǵy derlik baspanalary súriletin ǵimarattar tiziminde ekenin bilgende tóbeden jai túskendei tańqalypty.
− Biz bul baǵdarlamany qaradyq. Árine jaqsy úi beremiz, jaǵdailaryńdy jasaimyz dep úgittedi. Biraq buǵan deiin salynǵan úilerdiń bári nashar. Sylaqtary qulap, jaryqshalar paida bolyp jatyr. Júz jyl tursa da myna úidiń sapasy júz ese artyq, − deidi Elena Shaiahmetova.
Qala turǵyndarynyń alańdaýy da beker emes. Almaty ákiminiń ózi eski úilerdiń ornyna salynyp jatqan ǵimarattardyń sapasy syn kótermeitinin aitqan. Al qurylysshylar barlyǵyna birdei jaǵý múmkin emes dep otyr. Alaida, ákimdik qyzmetkerleri eshkimdi májbirlemeimiz. Tek túsindirý jumystaryn júrgizemiz. Kóshý-kóshpeý jaǵyn ózderi sheshedi deidi.
− Halyqpen jumys isteý árqashan qiyn ǵoi. Bárine jaǵý múmkin emes. Shamamyz kelgenshe túsindirip jatyrmyz. Olar turyp jatqan úi qaýipti. Qulap ketse ózderine jaman bolady. Sol úshin jańa úilerge kóshinder dep túsindirip jatyrmyz, − qurylys mekemesiniń direktory Asqar Mapaev.
Ortalyqta turatyndar memlekettik baǵdarlamaǵa jappai qarsylyq tanytyp úiimizden ketpeimiz dep jatsa, Túrksib aýdanynyń turǵyndary búgin kóshýge daiyn.
Almaty qalasy turǵyn úilerdi jańǵyrtý baǵdarlamasy boiynsha 2012-2015 jyldary 48 úi súirilip ornyna 51 úi salynsa, 2024 jylǵa deiin taǵy myńnan astam úi súrilip ornyna jańasy salynbaq.
Asyl Ádilhanuly
Derekkózi: KTK arnasy
