جاڭا ۇلتتىق كومپانييا قۇرىلماقشى
– بٸزدٸڭ ەلدە ينۆەستيتسييا تارتۋمەن بٸرنەشە ۇيىم اينالىسادى. سوعان بايلانىستى, پرەزيدەنت ناقتى تاپسىرمالار جٷكتەدٸ – ينۆەستورلارعا مەملەكەتتٸك قىزمەتتٸڭ تولىق سپەكترٸن ۇسىناتىن, بٸر تەرەزە قاعيداتىمەن جۇمىس ٸستەيتٸن ارنايى ۇلتتىق كومپانييا قۇرۋ. بۇل كومپانييا قۇرىلادى. بٷگٸن ٷكٸمەت وتىرىسىندا قر پرەمەر-مينيسترٸ وسى باعىتتا قاشان جەنە قانداي شارالار اتقارۋ كەرەكتٸگٸن ايتتى. سوندىقتان وسى تۇرعىدا بٸزدە تولىق تٷسٸنٸك بار, – دەپ اتاپ ٶتتٸ تيمۋر سٷلەيمەنوۆ ٷكٸمەت وتىرىسىنان كەيٸن ٶتكٸزٸلگەن باسپاسٶز مەسليحاتىندا.
ايتا كەتەيٸك, پرەزيدەنت نۇرسۇلتان نازارباەۆ ٶزٸنٸڭ ەل حالقىنا ارناعان «قازاقستاننىڭ ٷشٸنشٸ جاڭعىرۋى: جاھاندىق بەسەكەگە قابٸلەتتٸلٸك» تاقىرىبىنداعى جولداۋىندا قازاقستان شەتەل ينۆەستيتسييالارىن تارتۋ ٸسٸندەگٸ كٶشباسشىلىعىن ساقتاپ قالۋى قاجەتتٸگٸن اتاپ ٶتكەن بولاتىن. «استانا» حالىقارالىق قارجى ورتالىعى ەل ەكونوميكاسىنا قارجى رەسۋرستارىن تارتۋدا ماڭىزدى رٶل اتقارۋعا تيٸس. بٸز تاۋار ٶندٸرۋ مەن ٶتكٸزۋ, قىزمەت كٶرسەتۋ ٸسٸن جاھاندىق جەلٸگە بەيٸمدەۋٸمٸز كەرەك. مۇنى, ەڭ الدىمەن, ترانسۇلتتىق كومپانييالاردى تارتۋ ارقىلى جاساعان جٶن. قازاقستاندا ٶندٸرٸستەر اشۋ جٶنٸندەگٸ قىتايمەن بٸرلەسكەن ينۆەستيتسييالىق باعدارلامانى تيٸمدٸ جٷزەگە اسىرۋ كەرەك. قىتاي تاراپىمەن ۋاعدالاستىققا قول جەتكٸزٸلدٸ. نىساندار بەلگٸلەندٸ. ناقتى جۇمىس ٸستەۋ قاجەت», – دەلٸنگەن جولداۋدا.
