ساراپشى ايبار ولجايدىڭ پٸكٸرٸنشە, قازاقستان ەكونوميكاسى قۇرىلىمدىق ٶزگەرٸستەردٸڭ جاڭا كەزەڭٸنە ٶتتٸ, دەپ حابارلايدى Dalanews.kz.
ونىڭ ايتۋىنشا, بيىل بٸرٸنشٸ توقساندا تەڭٸزدەگٸ اپات پەن كقك جٷيەسٸنە جاسالعان شابۋىلدار سالدارىنان مۇناي ٶندٸرۋ 19,8%-عا, گاز ٶندٸرۋ 15,1%-عا قىسقارعان. سونىڭ ەسەرٸنەن تاۋ-كەن سەكتورى 11,4%-عا تٶمەندەگەن. دەستٷرلٸ كٶزقاراس بويىنشا مۇنداي جاعدايدا ەكونوميكا دا قۇلدىراۋى كەرەك ەدٸ. الايدا كەرٸسٸنشە وسى كەزەڭدە ٸشكٸ جالپى ٶنٸم 3% ٶسٸم كٶرسەتكەن.
ايبار ولجاي مۇنى ەكونوميكانىڭ جاڭا باعىتقا بەت بۇرۋىمەن بايلانىستى دەپ تٷسٸندٸردٸ. قازٸر ٶسٸم مۇناي سالاسىنا ەمەس, ٶڭدەۋ ٶنەركەسٸبٸ, كٶلٸك, قۇرىلىس, ساۋدا جەنە قىزمەت كٶرسەتۋ باعىتتارىنا بايلانىستى بولىپ وتىر. بۇل ٸشكٸ سەكتورلار كٷشەيگەنٸن جەنە ەكونوميكانىڭ سىرتقى قىسىمدارعا تٶزٸمدٸ بولا باستاعانىن كٶرسەتەدٸ.
ساراپشى ۇزاقمەرزٸمدٸ ٷردٸسكە نازار اۋدارىپ, كەيٸنگٸ ون جىلدا مۇناي سەكتورىنىڭ ٷلەسٸ ايتارلىقتاي ازايعانىن اتاپ ٶتتٸ. 2010 جىلى بۇل كٶرسەتكٸش 16,5% بولسا, 2024 جىلى 8,1%-عا دەيٸن تٷسكەن. ال ٶڭدەۋ ٶنەركەسٸبٸ 12,7%-عا جەتٸپ, ەكٸنشٸ جىل قاتارىنان تاۋ-كەن سەكتورىنان العا شىقتى. ونىڭ پٸكٸرٸنشە, بۇل ەلدە جاڭا ەكونوميكالىق مودەل قالىپتاسىپ جاتقانىن بٸلدٸرەدٸ.
ايبار ولجاي ەكٸنشٸ توقساندا ٶسٸم قارقىنى كٷشەيەتٸنٸن ايتادى. سەبەبٸ بٸرٸنشٸ توقسانداعى 3% ٶسٸمگە ەندٸ مۇناي فاكتورى قوسىلادى. مۇناي ٶندٸرۋ قالپىنا كەلٸپ, CPC Blend پەن KEBCO باعاسى دا ٶسكەن.
سٶز اياعىندا ساراپشى "2026 جىلى ەكونوميكالىق ٶسٸم 5%-دان تٶمەن بولمايدى" دەگەن بولجام جاساپ وتىر.
