مۇندا اكتيۆتەردى زاڭسىز الىپ شىعارۋ جاعدايلارىن جويۋعا، ولاردى ءوز ەرىكمەن نەمەسە ماجبۇرلەپ قايتارۋدى باستاۋعا ارنالعان ەرەجەلەر كىرەدى. وسىلايشا، ۋاكىلەتتى مەملەكەتتىك ورگانداردىڭ اقپاراتىن تالداۋ ناتيجەلەرى بويىنشا تۇلعالار ءوز اكتيۆتەرى تۋرالى ارنايى دەكلاراسيانى تاپسىرۋى قاجەت.
سول ارقىلى ولاردىڭ شەكتەۋلى ءتىزىلىمىن قالىپتاستىرۋ جوسپارلانۋدا.
ەگەر مۇلىكتىڭ يەسى اكتيۆتەردىڭ شىعارىلۋ جاعدايىن مويىنداي الماسا، ولار نەگىزسىز ساتىپ الىنعان دەپ تانىلىپ، مەملەكەت كىرىسىنە اينالدىرىلادى.
ال قايتارىلعان اكتيۆتەر قازاقستاندىقتاردىڭ ءال-اۋقاتىن ارتتىرۋعا باعىتتالعان جوبالاردى قارجىلاندىرۋعا پايدالانىلماق.
پرەمەر-مينيستر ءاليحان سمايىلوۆ ادىلەت مينيسترلىگىنە ايتىلعان پىكىرلەر مەن ەسكەرتۋلەردى ەسكەرە وتىرىپ، زاڭ جوباسىن جان-جاقتى زەردەلەۋدى تاپسىردى.
قاڭتار وقيعاسىنان كەيىن ەل پرەزيدەنتى قاسىم-جومارت توقايەۆ ەلدىڭ بايلىعىن يەمدەنگەن ادامدار جايلى بىرنەشە رەت ايتتى.
Tax justice network ۇيىمىنىڭ مالىمەتىنشە، سوڭعى 25 جىلدا قازاقستاننان شەتەلدىك وفشورلى ۇيىمدارعا 140–160 ملرد دوللار شىعارىلعان. كەيبىر ساراپشىلار شىعارىلعان قاراجات بۇدان دا كوپ بولۋى مۇمكىن دەيدى.
وسى تۇستا...
ەكس-پرەزيدەنت نازاربايەۆتىڭ اتا جاۋى ساياساتكەر مۇحتار ءابليازوۆ ءبىر اجالدان امان قالعانىن حابارلادى. تولىعىراق: t.me/dalainside/1101
