Munda aktıvterdi zańsyz alyp shyǵarý jaǵdaılaryn joıýǵa, olardy óz erikmen nemese májbúrlep qaıtarýdy bastaýǵa arnalǵan erejeler kiredi. Osylaısha, ýákiletti memlekettik organdardyń aqparatyn taldaý nátıjeleri boıynsha tulǵalar óz aktıvteri týraly arnaıy deklarasıany tapsyrýy qajet.
Sol arqyly olardyń shekteýli tizilimin qalyptastyrý josparlanýda.
Eger múliktiń ıesi aktıvterdiń shyǵarylý jaǵdaıyn moıyndaı almasa, olar negizsiz satyp alynǵan dep tanylyp, memleket kirisine aınaldyrylady.
Al qaıtarylǵan aktıvter qazaqstandyqtardyń ál-aýqatyn arttyrýǵa baǵyttalǵan jobalardy qarjylandyrýǵa paıdalanylmaq.
Premer-Mınıstr Álıhan Smaıylov Ádilet mınıstrligine aıtylǵan pikirler men eskertýlerdi eskere otyryp, zań jobasyn jan-jaqty zerdeleýdi tapsyrdy.
Qańtar oqıǵasynan keıin el prezıdenti Qasym-Jomart Toqaev eldiń baılyǵyn ıemdengen adamdar jaıly birneshe ret aıtty.
Tax justice network uıymynyń málimetinshe, sońǵy 25 jylda Qazaqstannan sheteldik ofshorly uıymdarǵa 140–160 mlrd dollar shyǵarylǵan. Keıbir sarapshylar shyǵarylǵan qarajat budan da kóp bolýy múmkin deıdi.
OSY TUSTA...
Eks-prezıdent Nazarbaevtyń ata jaýy saıasatker Muhtar Áblázov bir ajaldan aman qalǵanyn habarlady. Tolyǵyraq: t.me/dalainside/1101
