ەڭبەك جانە الەۋمەتتىك قورعاۋ مينيسترلىگى بۇگىن ءبىرقاتار قىزىق مالىمەتتەرمەن ءبولىستى. ماسەلەن، 2024 جىلعى 1 جەلتوقسانداعى جاعداي بويىنشا جۇمىسپەن قامتۋعا جاردەمدەسۋ شارالارىنا 627،6 مىڭ قازاقستاندىق قاتىسقان. ناتيجەسىندە 496،2 مىڭ ادام جۇمىسپەن قامتىلدى، ونىڭ 311،1 مىڭى تۇراقتى جۇمىسقا ورنالاستى، دەپ جازادى Dalanews.kz.
ناقتىراق ايتساق، سۋبسيديالاناتىن جۇمىس ورىندارىنا 185،1 مىڭ ادام ورنالاستىرىلدى. ونىڭ ىشىندە:
- الەۋمەتتىك جۇمىس ورىندارىندا - 15،5 مىڭ ادام،
- جاستار پراكتيكاسىندا - 32،2 مىڭ ادام،
- قوعامدىق جۇمىستاردا - 108،4 مىڭ ادام،
- "العاشقى جۇمىس ورنى" جوباسى اياسىندا 9،5 مىڭ ادام،
- "ۇرپاقتار كەلىسىمشارتى" جوباسى اياسىندا 417 ادام،
- "كۇمىس جاس" جوباسى اياسىندا 19 مىڭ ادام جۇمىسپەن قامتىلدى.
"بۇدان باسقا، جاڭا بيزنەس-باستامالاردى ىسكە اسىرۋ ءۇشىن 2024 جىلدىڭ باسىنان باستاپ حالىقتىڭ الەۋمەتتىك وسال ساناتتارىنا 400 اەك دەيىنگى (1 476 800 تەڭگە) مولشەردە 8 941 گرانت بەرىلدى"، - دەيدى ەحاقم باسپا ءسوز قىزمەتى.
سونداي-اق ەڭبەك نارىعىندا سۇرانىسقا يە داعدىلار بويىنشا ونلاين وقىتۋمەن 55،2 مىڭ جۇمىسسىز قامتىلدى، ونىڭ ىشىندە 50،1 مىڭى وقۋدى اياقتادى.
ال "باستاۋ بيزنەس" جوباسى بويىنشا كاسىپكەرلىك نەگىزدەرىنە وقىتۋمەن 57،5 مىڭ ادام قامتىلدى، ونىڭ ىشىندە 36،6 مىڭ ادام وقۋدى اياقتاپ، سەرتيفيكاتتار الدى.
قىزمەت سالاسىن تاڭداۋ ماقساتىندا 202،4 مىڭ ادام الەۋمەتتىك كاسىپتىك باعدارلاۋدان ءوتتى.
