بەلگىلى فوتوگراف دميتريي دوسەنكو الەۋمەتتىك جەلىدەگى پاراقشاسىندا جاڭا جىلدىق الماتىنىڭ كەرەمەت جانە اسەم سۋرەتتەرىمەن ءبولىستى. ونىڭ وبەكتيۆىنە ءتۇرلى-تۇستى اربات، پانفيلوۆ كوشەسى، اباي، استانا جانە رەسپۋبليكا الاڭدارى، سونداي-اق جارقىراعان تۇڭعىش پرەزيدەنت ساياباعىنىڭ كورىنىستەرى تۇسكەن.

جاڭا جىل قارساڭىندا الماتى ەرەكشە بەزەندىرىلدى. اۋەجايدان باستاپ ورتالىق الاڭدارعا دەيىن قالا تولىعىمەن مەرەكەلىك كەيىپكە ەندى. قالادا 300-گە جۋىق جارقىراعان قۇرىلىم ورناتىلدى، ولاردىڭ اراسىندا ەرتەگى كەيىپكەرلەرى مەن مەرەكەلىك اشەكەيلەر بەينەلەنگەن. سونىمەن قاتار، بىلتىر جوندەۋدەن وتكەن 120 شاعىن ساۋلەت نىساندارى قايتا پايدالانىلدى. ماگيسترال بويىنداعى اعاشتار جارىقديودتى شامدار مەن گيرلياندالارمەن بەزەندىرىلگەن.

جالپى، قالا بويىنشا 1500 جارىق ەلەمەنتى ورناتىلدى، ونىڭ ىشىندە 350ء-ى – قالپىنا كەلتىرىلگەن وتكەن جىلعى كرونشتەين.

ايتا كەتۋ كەرەك، اباي الاڭىندا بيىكتىگى 25 مەتر بولاتىن مەگاپوليستىڭ باستى جاڭا جىلدىق شىرشاسى ورناتىلدى. بيىلعى جىلى شىرشا العاش رەت قاڭقالى ەمەس، تابيعي ءدىڭدى كلاسسيكالىق ستيلدە جاسالدى. ونى بەزەندىرۋ ءۇشىن التى شاقىرىم گيرلياندا، ءتۇرلى-تۇستى شارلار جانە شىرشا ويىنشىقتارى قولدانىلدى.

سونىمەن قاتار، اباي الاڭىندا 5 قاڭتارعا دەيىن جۇمىس ىستەيتىن جاڭا جىلدىق جارمەڭكە ۇيىمداستىرىلدى. مۇندا كادەسىيلار، قولونەرشىلەردىڭ بۇيىمدارى جانە مەرەكەلىك اشەكەيلەردى تابۋعا بولادى.

ەستەرىڭىزگە سالا كەتەيىك، بۇگىن الماتىدا ەسترادا جۇلدىزدارىنىڭ قاتىسۋىمەن 3 اۋقىمدى كونسەرت وتەدى: اباي الاڭىندا ساعات 19:00-دەن 21:00-گە دەيىن بۇركىت، اقبوتا-نۇر، عازيزحان شەكەربەك، ديانا يسمايل، كەنجەبەك ءجانابىلوۆ جانە باسقا دا ارتيستەردىڭ قاتىسۋىمەن كونسەرت وتەدى.

سونداي-اق، «نۇرلى تاۋ» بيزنەس ورتالىعىنىڭ الدىندا ساعات 18:00-دەن 21:00-گە دەيىن جاستار كونسەرتى ۇيىمداستىرىلادى. وندا DJ Slim، Altair&ABBi، 2RAR، Dakelot جانە «اll داۆاي» بويز-بەندىنىڭ ءسوليستى ءارى پروديۋسەرى شوقان مارات ۇلى ونەر كورسەتەدى.

استانا الاڭىندا جاڭا جىلدىق كونسەرت ساعات 21:00-دە باستالىپ، 2025 جىلدىڭ 1 قاڭتارىنا دەيىن جالعاسادى. ساعات تۇنگى 00:00-دە مەرەكەلىك وتشاشۋ ۇيىمداستىرىلادى.

جاڭا 2025 جىلدى تويلاۋ قۇرمەتىنە قبتۋ عيماراتىنىڭ الدىندا ەرسەيىت الييەۆ، ەلبول قۋانبەك، ۇلجان اعلاقوۆا، Chingiz Typhoon، Makvin، ورىنحان، 6ellucci، مارحابا ءسابي، Moldanazar جانە RaiM ونەر كورسەتەدى.

https://www.instagram.com/p/DEPNU7gofog/؟igsh=MTM4bzlqcG85eDR3Yw==