“پرەزيدەنتتٸڭ تاپسىرماسىن ورىنداماعان ادامدار جاۋاپقا تارتىلۋى كەرەك, سۋدىڭ دا سۇراۋى بار”, – دەيدٸ ديقاندار.
شارۋلار بىلتىر ٶتكٸزگەن ٶنٸمدەرٸنە 15 تەڭگە تٶلەسٸن دەپ كەسٸپورىن باسشىسىنا تالاپ قويىپ وتىر. ديقانداردىڭ تٶلەمدٸ الا الماي جٷرگەنٸنە بٸر جىلعا جۋىقتاعان.
ەر كەلٸگە 15 تەڭگە تٶلەنۋٸ كەرەك بولعان. كەسٸپورىن ٶنٸمدٸ قابىلداعاننان كەيٸن شارۋالارعا ەكٸ ايدان كەيٸن اقشا تٷسەدٸ دەپ ۋەدە ەتكەن. الايدا بٸرنەشە اي ٶتسە دە اقشا ەلٸ دە جوق.
قىزىلشا ەگٸپ كٷن كٶرٸپ وتىرعان ديقاندار قازٸر قارىزعا باتقان.
"جەرٸمٸزدٸ تەگٸستەپ, جىرتىپ قويدىق. الايدا ەگٸن ەگٸلمەي قالىپ كەتتٸ. ٶيتكەنٸ اقشامىز جوق. نە ٸستەيمٸز?" – دەيدٸ ولار.
ال زاۋىت ديرەكتورى قىزمەتٸنەن كەتكەن. سالالىق باسقارما كەلٸسٸنە زاۋىت تٶلەۋٸ كەرەك 15 تەڭگەدەن بٶلەك مەملەكەت قاراجاتىنان 25 تەڭگە تاعى تٶلەگەن. كەسٸپورىن جالپى ەسەپتە شارۋالارعا 6 ميلليارد تەڭگە قارىز بولىپ, ونىڭ 3,8 ميللياردىن عانا ٶتەگەن ەكەن.
“مامىردا قانت قىمباتتاعان كەزدە تٶلەم بەرەمٸز دەگەن. الايدا تٶلەگەن جوق. قانشا قانت ساتىلعانىن دا بٸلمەيمٸز”, – دەيدٸ ديقاندار.
