“Prezıdenttiń tapsyrmasyn oryndamaǵan adamdar jaýapqa tartylýy kerek, sýdyń da suraýy bar”, – deıdi dıqandar. 

Sharýlar byltyr ótkizgen ónimderine 15 teńge tólesin dep kásiporyn basshysyna talap qoıyp otyr. Dıqandardyń tólemdi ala almaı júrgenine bir jylǵa jýyqtaǵan. 

Ár kelige 15 teńge tólenýi kerek bolǵan. Kásiporyn ónimdi qabyldaǵannan keıin sharýalarǵa eki aıdan keıin aqsha túsedi dep ýáde etken. Alaıda birneshe aı ótse de aqsha áli de joq.

Qyzylsha egip kún kórip otyrǵan dıqandar qazir qaryzǵa batqan. 

"Jerimizdi tegistep, jyrtyp qoıdyq. Alaıda egin egilmeı qalyp ketti. Óıtkeni aqshamyz joq. Ne isteımiz?" – deıdi olar.

Al zaýyt dırektory qyzmetinen ketken. Salalyq basqarma kelisine zaýyt tóleýi kerek 15 teńgeden bólek memleket qarajatynan 25 teńge taǵy tólegen. Kásiporyn jalpy esepte sharýalarǵa 6 mıllıard teńge qaryz bolyp, onyń 3,8 mıllıardyn ǵana ótegen eken.

“Mamyrda qant qymbattaǵan kezde tólem beremiz degen. Alaıda tólegen joq. Qansha qant satylǵanyn da bilmeımiz”, – deıdi dıqandar.