جامبىل وبلىسىندا تويدىڭ قازىسى مەن تويباستار سىيلىقتارىن ۇرلاعان كۇدىكتى قولعا ءتۇستى، دەپ حابارلايدى Dalanews.kz.
مەركى اۋدانىندا پوليسيا قىزمەتكەرلەرى بىرنەشە تۇرعىن ۇيدەن ۇرلىق جاساعان ەر ادامدى انىقتادى. تەرگەۋ بارىسىندا كۇدىكتىنىڭ ۇيلەرگە زاڭسىز كىرىپ، التىن اشەكەيلەر، نوۋتبۋك جانە وزگە دە باعالى زاتتاردى جاسىرىن الىپ كەتكەنى بەلگىلى بولدى.
سونىمەن قاتار، ول ءبىر تۇرعىننىڭ قويماسىنان ازىق-تۇلىك (جىلقى قازىسى)، تويباستارعا ارنالعان سىيلىقتار مەن باسقا دا زاتتاردى ۇرلاپ كەتكەن.
جەدەل-ىزدەستىرۋ شارالارىنىڭ ناتيجەسىندە بۇرىن سوتتالعان 39 جاستاعى ەر ادام ۇستالدى. قازىرگى ۋاقىتتا اتالعان ءىس بويىنشا ق ر قك-نىڭ تۇرعىن-جايعا زاڭسىز كىرۋ ارقىلى جاسالعان ۇرلىق بابىمەن سوتقا دەيىنگى تەرگەۋ باستالدى.
كۇدىكتى ۋاقىتشا ۇستاۋ يزولياتورىنا قامالىپ، تەرگەۋ امالدارى جۇرگىزىلىپ جاتىر.
