Jambyl oblysynda toidyń qazysy men toibastar syilyqtaryn urlaǵan kúdikti qolǵa tústi, dep habarlaidy Dalanews.kz.
Merki aýdanynda politsiia qyzmetkerleri birneshe turǵyn úiden urlyq jasaǵan er adamdy anyqtady. Tergeý barysynda kúdiktiniń úilerge zańsyz kirip, altyn áshekeiler, noýtbýk jáne ózge de baǵaly zattardy jasyryn alyp ketkeni belgili boldy.
Sonymen qatar, ol bir turǵynnyń qoimasynan azyq-túlik (jylqy qazysy), toibastarǵa arnalǵan syilyqtar men basqa da zattardy urlap ketken.
Jedel-izdestirý sharalarynyń nátijesinde buryn sottalǵan 39 jastaǵy er adam ustaldy. Qazirgi ýaqytta atalǵan is boiynsha QR QK-niń turǵyn-jaiǵa zańsyz kirý arqyly jasalǵan urlyq babymen sotqa deiingi tergeý bastaldy.
Kúdikti ýaqytsha ustaý izoliatoryna qamalyp, tergeý amaldary júrgizilip jatyr.
