جامبىل وبلىسىندا ەرلٸ-زايىپتى WhatsApp-تا جۇرتتى سان سوقتىرىپ, 50 ملن تەڭگەسٸن يەمدەنگەن, دەپ حابارلايدى Dalanews.kz.
كٷدٸكتٸلەر 2024 جىلى جەلتوقساننان باستاپ الدىن الا سٶز بايلاسۋ ارقىلى زاڭسىز پايدا تابۋ ماقساتىندا WhatsApp مەسسەندجەرٸندە ىدىس-اياق پەن ٶزگە دە تۇرمىستىق تاۋارلاردى تٶمەندەتٸلگەن باعامەن ساتاتىنى تۋرالى حابارلاندىرۋلار جارييالاعان.
ساتىپ الۋشىلاردىڭ سەنٸمٸنە كٸرۋ ٷشٸن العاشقى كليەنتتەرگە تاۋارلار جەتكٸزٸلگەن. كەيٸن باسقا ازاماتتاردان تاپسىرىس قابىلداپ, اقشاسىن العانىمەن, ولار تاۋارلاردى جەتكٸزبەگەن. قاراجاتتى ٶز قالاۋىنشا پايدالانعان.
قىلمىستىق ەرەكەت سالدارىنان 112 ادام زارداپ شەگٸپ, ولارعا جالپى سوماسى 51 288 146 تەڭگە كٶلەمٸندە ماتەريالدىق زالال كەلگەن.
سوت ٷكٸمٸمەن ەر ادام 2 جىل 8 ايعا باس بوستاندىعىنان ايىرىلسا, ال ەيەلٸ 2 جىل 4 ايعا باس بوستاندىعىنان ايىرىلدى.
