Jambyl oblysynda erli-zaiypty WhatsApp-ta jurtty san soqtyryp, 50 mln teńgesin iemdengen, dep habarlaidy Dalanews.kz.
Kúdiktiler 2024 jyly jeltoqsannan bastap aldyn ala sóz bailasý arqyly zańsyz paida tabý maqsatynda WhatsApp messendjerinde ydys-aiaq pen ózge de turmystyq taýarlardy tómendetilgen baǵamen satatyny týraly habarlandyrýlar jariialaǵan.
Satyp alýshylardyń senimine kirý úshin alǵashqy klientterge taýarlar jetkizilgen. Keiin basqa azamattardan tapsyrys qabyldap, aqshasyn alǵanymen, olar taýarlardy jetkizbegen. Qarajatty óz qalaýynsha paidalanǵan.
Qylmystyq áreket saldarynan 112 adam zardap shegip, olarǵa jalpy somasy 51 288 146 teńge kóleminde materialdyq zalal kelgen.
Sot úkimimen er adam 2 jyl 8 aiǵa bas bostandyǵynan aiyrylsa, al áieli 2 jyl 4 aiǵa bas bostandyǵynan aiyryldy.
