تالاس اۋداندىق اكىمدىگى قايعىلى وقيعانىڭ 2 قىركۇيەكتە قاراتاۋدا بولعانىن راستادى.
تالاس وبلىسى اكىمدىگىنىڭ تۇرعىن ۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ سەكتور مەڭگەرۋشىسى كەمەل ۇلى بەرىك ءوز كولىگىنىڭ جانىندا اتىلعانى، وعان تيگەن وق مارقۇمنىڭ اتىنا تىركەلگەن قارۋدان ەكەنىگى انىقتالدى. اتالعان ءمان -جايلار بويىنشا تەرگەۋ جۇرگىزىلۋدە، - دەدى تالاس اۋداندىق اكىمدىگىنىڭ باسپا ءسوز قىزمەتى.
سونىمەن قاتار، وبلىستىق اكىمدىكتەگىلەر حابارلانعانداي، "وسى ءبولىمنىڭ بۇرىنعى باستىعى نۇرلان كۇدەرتايەۆقا قاتىستى تەرگەۋ وتكەن جىلدىڭ اياعىندا باستالىپ، بۇگىندەرى ول قاماۋدا وتىر".
"2 قىركۇيەكتە تالاس اۋداندىق ىشكى ىستەر بولىمىنە قاراتاۋ كوشەلەرىنىڭ بىرىندە وق جاراقاتى بار بەلگىسىز ەر ادامنىڭ دەنەسى تابىلعانى تۋرالى حابارلاما كەلىپ ءتۇستى.
بۇل فاكتىگە سايكەس، ق ر قىلمىستىق كودەكسىنىڭ 105-بابى (سۋيسيدكە دەيىن جەتكىزۋ) بويىنشا سوتقا دەيىنگى تەرگەۋ باستالدى. قازىرگى ۋاقىتتا پوليسيا قىزمەتكەرلەرى بۇل ادامنىڭ اۋدان تۇرعىنى ەكەنىن انىقتادى.
بارلىق قاجەتتى ساراپتامالار تاعايىندالىپ، تەرگەۋ ارەكەتتەرى جۇرگىزىلۋدە. ق ر قىلمىستىق ءىس جۇرگىزۋ كودەكسىنىڭ 201-بابىنا سايكەس، تەرگەۋ مۇددەسى ءۇشىن ءىستىڭ باسقا ءمان-جايى جاريا ەتۋگە جاتپايدى"، - دەيدى تالاس اۋداندىق اكىمدىگىنىڭ باسپا ءسوز قىزمەتى.
