Jambyl oblysynda bir shendi óli kúiinde tabyldy
Talas aýdandyq ákimdigi qaiǵyly oqiǵanyń 2 qyrkúiekte Qarataýda bolǵanyn rastady.
Talas oblysy ákimdiginiń turǵyn úi-kommýnaldyq sharýashylyq, jolaýshylar kóligi jáne avtomobil joldary bóliminiń sektor meńgerýshisi Kemeluly Berik óz kóliginiń janynda atylǵany, oǵan tigen oq marqumnyń atyna tirkelgen qarýdan ekenigi anyqtaldy. Atalǵan mán -jailar boiynsha tergeý júrgizilýde, - dedi Talas aýdandyq ákimdiginiń baspasóz qyzmeti.
Sonymen qatar, oblystyq ákimdiktegiler habarlanǵandai, "osy bólimniń burynǵy bastyǵy Nurlan Kúdertaevqa qatysty tergeý ótken jyldyń aiaǵynda bastalyp, búginderi ol qamaýda otyr".
"2 qyrkúiekte Talas aýdandyq ishki ister bólimine Qarataý kósheleriniń birinde oq jaraqaty bar belgisiz er adamnyń denesi tabylǵany týraly habarlama kelip tústi.
Bul faktige sáikes, QR Qylmystyq kodeksiniń 105-baby (Sýitsidke deiin jetkizý) boiynsha sotqa deiingi tergeý bastaldy. Qazirgi ýaqytta politsiia qyzmetkerleri bul adamnyń aýdan turǵyny ekenin anyqtady.
Barlyq qajetti saraptamalar taǵaiyndalyp, tergeý áreketteri júrgizilýde. QR Qylmystyq is júrgizý kodeksiniń 201-babyna sáikes, tergeý múddesi úshin istiń basqa mán-jaiy jariia etýge jatpaidy", - deidi Talas aýdandyq ákimdiginiń baspasóz qyzmeti.
