جامبىل وبلىسىندا اۋىر قىلمىستى جاسىرۋ ءىسى بويىنشا اۋداندىق پوليسيا ءبولىمى باسشىسىنىڭ ورىنباسارى ۇستالدى، دەپ حابارلايدى Dalanews.kz.
“پروكۋراتۋرا قىلمىستىق كودەكستىڭ 433-بابىنىڭ 2-بولىگى (قىلمىستىق قۇقىقبۇزۋشىلىقتى جاسىرۋ) بويىنشا بايزاق اۋدانى پوليسيا ءبولىمىنىڭ باسشىسىنىڭ ورىنباسارىنا قاتىستى تەرگەۋگە دەيىنگى تەكسەرۋ باستادى. ول اۋىر ساناتتاعى قىلمىستى قاساقانا جاسىردى دەگەن كۇدىككە ءىلىندى. اتاپ ايتقاندا، اۋداندا بولعان 10،7 ملن تەڭگە ۇرلىعىنا قاتىستى قىلمىستىق قۇقىقبۇزۋشىلىق تۋرالى ارىزدى ءبىرىڭعاي تەرگەۋ رەەسترىنە تىركەمەي، قىلمىستى جاسىرۋعا تىرىسقان. جينالعان دالەلدەمەلەر نەگىزىندە ونىڭ ارەكەتى قك 433-بابىنىڭ 3-بولىگى 2-تارماعى بويىنشا (الدىن الا ءسوز بايلاسۋ ارقىلى توپ بولىپ اۋىر قىلمىستى جاسىرۋ) سارالاندى.
كۇدىكتى پوليسيا قىزمەتكەرى قىلمىستىق-پروسەستىك كودەكستىڭ 128-131-باپتارىنا سايكەس ۇستالىپ، سوت سانكسياسىمەن قاماۋعا الىندى”، – دەلىنگەن وبلىستىق پروكۋراتۋرانىڭ باسپا ءسوز قىزمەتى جاريالانعان حابارلامادا.
ءقازىر تەرگەۋگە دەيىنگى تەكسەرۋ جالعاسىپ جاتىر.
