جامبىل وبلىسىنىڭ سارىكەمەر اۋىلىندا حالىق قاراجاتىنا سالىنعان جاڭا كٶپپەتەرلٸ ٷيلەردٸڭ ساپاسىنا تۇرعىندار نارازى. بيىل اقپان ايىندا اۋىلدا 120 پەتەرلٸ ەكٸ ٷي پايدالانۋعا بەرٸلگەن. الايدا بٸر جىلدىڭ ٸشٸندە ٷيلەردە اقاۋلار پايدا بولعان, دەپ حابارلايدى Dalanews.kz “جەتٸنشٸ ارناعا” سٸلتەمە جاساپ.
جاڭا ٷيلەردٸڭ قابىرعالارىندا جارىقتار پايدا بولىپ, ەرلەۋ جۇمىستارى سىرعىپ تٷسٸپ جاتىر. ورتالىق جىلۋ جٷيەسٸ تۇراقسىز جۇمىس ٸستەيدٸ. پەتەرلەر سۋىق. تۇرعىندار مەسەلەلەردٸڭ نەگٸزگٸ سەبەبٸ ٷيلەردٸڭ قىستا سالىنىپ, تولىق قۇرعاتىلماۋىندا دەپ سانايدى.
سونىمەن قاتار كٶپپەتەرلٸ ٷيلەرگە ورتالىق كاناليزاتسييا سالىنباعان. ونىڭ ورنىنا ورناتىلعان سەپتيكتەر ٷنەمٸ تولىپ, جاعىمسىز يٸس شىعارادى.
ەكٸمدٸك ٶكٸلدەرٸ تۇرعىندارعا بارلىق كەمشٸلٸك مەردٸگەر كومپانييا تاراپىنان كەپٸلدٸك بويىنشا تٷزەتٸلۋٸن ايتتى.
“اۋداندىق كاناليزاتسييانى جٷرگٸزۋ ٷشٸن جوبالىق-سمەتالىق قۇجاتتاما ەزٸرلەنٸپ جاتىر. ەگەر ول بيىل اياقتالسا, قارجىلاندىرۋ كەلەسٸ جىلى جٷرگٸزٸلٸپ, ٷيلەر ورتالىق جەلٸگە قوسىلادى. ال قازٸرگٸ ۋاقىتتا سەپتيكتەردٸ تازالاۋ جۇمىستارى جٷرگٸزٸلٸپ جاتىر”, – دەدٸ اۋداندىق تۇرعىن ٷي-كوممۋنالدىق شارۋاشىلىق بٶلٸمٸنٸڭ باسشىسى دٷرەنبەك ماديشوۆ.
تۇرعىندار مەن بيلٸك اراسىندا تۋىنداعان جاعداي تۇرعىن ٷيلەردٸ سالۋداعى تەحنيكالىق قاداعالاۋدىڭ ماڭىزدىلىعىن تاعى بٸر رەت كٶرسەتٸپ وتىر.
