Jambyl oblysynyń Sarykemer aýylynda halyq qarajatyna salynǵan jańa kóppáterli úilerdiń sapasyna turǵyndar narazy. Biyl aqpan aiynda aýylda 120 páterli eki úi paidalanýǵa berilgen. Alaida bir jyldyń ishinde úilerde aqaýlar paida bolǵan, dep habarlaidy Dalanews.kz “Jetinshi arnaǵa” silteme jasap.
Jańa úilerdiń qabyrǵalarynda jaryqtar paida bolyp, árleý jumystary syrǵyp túsip jatyr. Ortalyq jylý júiesi turaqsyz jumys isteidi. Páterler sýyq. Turǵyndar máselelerdiń negizgi sebebi úilerdiń qysta salynyp, tolyq qurǵatylmaýynda dep sanaidy.
Sonymen qatar kóppáterli úilerge ortalyq kanalizatsiia salynbaǵan. Onyń ornyna ornatylǵan septikter únemi tolyp, jaǵymsyz iis shyǵarady.
Ákimdik ókilderi turǵyndarǵa barlyq kemshilik merdiger kompaniia tarapynan kepildik boiynsha túzetilýin aitty.
“Aýdandyq kanalizatsiiany júrgizý úshin jobalyq-smetalyq qujattama ázirlenip jatyr. Eger ol biyl aiaqtalsa, qarjylandyrý kelesi jyly júrgizilip, úiler ortalyq jelige qosylady. Al qazirgi ýaqytta septikterdi tazalaý jumystary júrgizilip jatyr”, – dedi aýdandyq turǵyn úi-kommýnaldyq sharýashylyq bóliminiń basshysy Dúrenbek Madishov.
Turǵyndar men bilik arasynda týyndaǵan jaǵdai turǵyn úilerdi salýdaǵy tehnikalyq qadaǵalaýdyń mańyzdylyǵyn taǵy bir ret kórsetip otyr.
