جامبىل ەمٸربەكوۆ. شىق عٷمىرى: 19 جەلتوقسان 2015

قولىمىزعا جامبىل ەمٸربەكوۆتٸڭ تاقىرىپتاس ٷش-تٶرت ٶلەڭٸ تيدٸ. بۇعان دەيٸن ەلدٸڭ كٶبٸ سپورت شەبەرٸ رەتٸندە تانيتىن ەمٸربەكوۆتىڭ جىر ەلەمٸنە ٷڭٸلگەندە بٸز مٷلدەم بٶلەك ەسەرگە بٶلەندٸك. قاراپايىم دا شىمىر ۇيقاستار, شىنايى سەزٸم يٸرٸمٸ, وبرازدى ٷيلەسٸم - جامبىل اقىننىڭ ٶزٸندٸك ٷنٸن ەستٸرتٸپ, ونىڭ نەزٸك تە سىرشىل ەلەمٸنە باستاماي تۇرمايدى. ٶلەڭدٸ تاپقىرلىقپەن دە, تٶسەلۋ ارقىلى دا جازۋعا بولادى. كەيبٸر جىردى وقىساڭىز, مٸن تاپپايسىز. پوەزيياعا كەرەكتٸڭ بەرٸ بار, تەك... شىنايىلىق جوق. شەبەرلٸك پەن قالىپتاسۋدىڭ ٷزدٸكسٸز اعىنى پوەزييانىڭ ٸشكٸ قۋاتىنان - شىنشىلدىعى مەن قاراپايىمدىلىعىنان ايىرماي قويمايدى. قازٸر ونداي ٶلەڭ كٶپ... جامبىل اقىننىڭ ٶلەڭٸ ونداي ەمەس, شىنشىل دا سىرشىل, تٸپتٸ كەيدە بالاڭدىعىمەن دە ٶزگەشە.

ەستٸدٸم جٷرەك دٷرسٸلٸن,
تۇپ-تۇنىق شىقتىڭ اقىرىن,
شيىرىپ قييال ۇرشىعىن,
شيراتىپ جاتىر اقىنىن

قاس-قاعىم عانا عۇمىرىن,
كٶتەرمەك كٶككە ۇمتىلىپ.
تارتقىلاپ ٶمٸر بۇرىمىن,
كٷلٸمدەپ قاراپ تۇر تۇنىپ.

ويناعان ٶمٸر مەڭٸمەن,
شٸركٸن-اي نەتكەن قۇشتارلىق.
سىرلاسپاق بولعان مەنٸمەن.
شىقتا جوق ەكەن ٸشتارلىق.

تاعدىرمەن تۇرىپ الىسىپ,
تارتادى مٶلدٸر تەگٸنە.
كٷن شىعىپ ەدٸ سەل ىسىپ,
بۋ بولىپ كەتتٸ كٶگٸنە.

پەكتٸكتٸ ٸزدەپ جٷرٸپ عالامشاردان,
تٷڭٸلٸپ جٷرسەمداعى نادانداردان.
ماحابباتقا سونشاما دەتٸ مىقتى,
اققۋدى بٶلگٸم كەلمەيت ادامداردان.

تەك تازالىق تٸلەيتٸن تەڭٸرٸنەن,
جارالعانداي كٷن نۇرىنىڭ جارىعىمەن.
قوس اققۋداي ٶمٸردەن ٶتۋ ارمان,
جاماندىقتى بٸلمەيتٸن جانى مٷلدەم.

و,سۇلۋلىق قاناتىنا سۋ سٸڭبەگەن,
سەن مەنٸڭ جٷرەگٸمسٸڭ دٷرسٸلدەگەن.
جۇبىن جازباي ٶتەتٸن اققۋلاردىڭ,
بٸرلٸگٸنە جان بار ما سٷيسٸنبەگەن.

اققۋ,ادام مەن ٷشٸن بٸردەي ۇعىم,
مٷمكٸن مەنٸڭ كٶپ شىعار بٸلمەيتٸنٸم.
اققۋ بولىپ كەتسەم مەن ارمانىم جوق
الداۋ مەنەن ارباۋدى بٸلمەيتۇعىن

جۇلقىنىپ جەتتٸ بٸر قۇيىن,
تاستاق جەر شاڭىن ٷيٸرٸپ.
تٷيٸلٸپ تٷسكەن قىرعيدىڭ,
ەكپٸنٸ كەتتٸ قيىلىپ.

قايىرىپ ەدٸ شاشتارىن,
مəجنٷن تال قالدى قىسىلىپ.
جەلٸنٸن سىيپاپ قاسقانىڭ,
تارتادى جالىن ىشقىنىپ.

مəۋەلەپ ٶسكەن شىبىقتىڭ,
بەلٸنەن قۇشتى بۇرالىپ.
بٸلەگٸن قىستى قۇرىقتىڭ,
اساۋعا سالعان بۇعالىق.

تورعايدى اڭدىپ وتىرعان,
ٷكٸنٸڭ الدى ٷرەيٸن.
تۇزدى تەر سٸڭگەن توقىمنان,
ٷركەتٸن ەمەس دٷلەيٸڭ.

جەلدٸكتٸ ٷرلەپ قابىسقان,
سٸلكٸدٸ قايىس جٷگەندٸ.
تٸزگٸنٸمەنەن الىسقان,
قايىردى بəيگە كٷرەڭدٸ.

قاباعى تاستاي تٷيٸلگەن,
قۇلاتتىداعى كەتپەندٸ
شٶمەيلٸ شٶپكە ٷيٸلگەن,
سٸڭدٸ دە كەتتٸ شەتتەگٸ.

ەرتتەدٸم مٸنەر قاسقامدى,
شاباندوز ٷمٸت قايداسىڭ?
سٸركٸرەپ جاڭبىر باستالدى,
اسىرىپ جەلدەن ايلاسىن.

باسىلدى كٷن دە قايناعان,
سۋ بولىپ قالعان بالاعى.
تاعدىرىممەنەن ويلاعان,
جاستىعىم با ەكەن جاڭاعى?!..

قوپ-قويۋ تۇمان اينالام,
ەستيمٸن جىلقى دٷبٸرٸن
كٶبەلەكتەرمەن ويناعان
قوزعايمىن وتتىڭ تٷبٸرٸن.

تاڭ كەتكەن تٷننٸڭ تٷنەگٸن,
باتىسقا قاراي قۋالاپ.
جارىقتا ايدىڭ جٷرەگٸن,
العانمىن قالاي دۋالاپ.

سىعالاپ ٸزدەپ بۇلتتاردان,
تاڭدانىپ ماعان تۇر قاراپ
ايادى مەنەن شىقتاردان
مۇڭىمدى ەستٸپ مىڭ قابات.

نۇرىنا بٶلەپ شۋاقتىڭ,
جانىمدى تەربەپ مۇڭايعان.
سىلدىرىمەنەن بۇلاقتىڭ,
سۇرادى مەنٸ قۇدايدان.

جاقىنداي الماي سۇر تۇمان,
قايىردى بۇيرا كەكٸلٸن.
كٷن كٷلدٸ سودان مۇرتىنان,
Əجٸمٸن سىيپاپ بەتٸنٸڭ.

Əكەتپەك مەنٸ ٶزٸمەن,
قۇنىمدى بٸلٸپ جەردەگٸ.
سەزٸمٸن ۇقتىم كٶزٸنەن
ەلەيتٸن ەمەس ٶزگەنٸ.

قىسىلىپ قالدىم, راسىم,
ەشكٸمگە كەرەك ەمەس ەم.
ٶلەڭنٸڭ وقىپ دۇعاسىن,
ٶمٸرگە عاشىق دەمەسەڭ.

بولادى ەكەن بۇلايدا,
جٷر ەدٸم جۇرتقا ەلەنبەي.
يزەدٸ باسىن قۇداي دا,
Əكەتسەڭ əكەت دەگەندەي.

باسىمنىڭ سيپاپ سورىنان,
بەتٸمنٸڭ سٷرتتٸ تۇز جاسىن,
اقىرىن تارتىپ قولىمنان
ۇسىندى بٷرشٸك سىرعاسىن.

تىم ىستىق قىستى قۇشاعىن
تٸستەنٸپ, ەرٸپ بارامىن.
جايىندا قالىپ قۇسا-مۇڭ,
يٸسكەپ الدىم انارىن.

نە ٸستەر ەكەن عاشىق اي
تالىقسىپ,بالقىپ بارادى.
قىزۋى لاۋلاپ باسىلماي,
جۇمىلىپ كەتتٸ جانارى.

كٷن شىمشىپ الدى اياماي,
ەسٸڭدٸ جىي دەپ ەزٸلگەن,
مەن دە وعان تۇردىم قاراماي
شاتتىقتى تىعىپ كٶزٸمنەن.

جٷزٸگٸن تاستاپ الدىما,
مونشاق جاس جەرگە شاشىلدى.
ۇيالىپ قاشىپ باردى دا,
موينىنا كٷننٸڭ اسىلدى.

جامبىل ەمٸربەكوۆ. شىق عٷمىرى