جىل باسىندا ماقتاارال اۋدانى ەكىگە ءبولىنىپ، جەتىساي اۋدانى قۇرىلىپ، ءوز الدىنا ەنشى الىپ شىققانى بەلگىلى. وسى تاريحي ءساتتىڭ باسى-قاسىندا ءجۇرىپ قانا قويماي، جاڭادان قۇرىلعان اۋداننىڭ تىزىگىندەپ وتىرعان جەتىساي اۋدانى اكىمى جامانتاي بەيسەنبايەۆ جارقىن وقيعالارعا تولى ارالىقتا قانداي وزگەرىستەر ورىن الىپ، ونى حالىقتىڭ قالاي قابىلداعانىن اۋدان اكىمى اڭگىمەلەپ بەردى.

ەلباسىنىڭ جارىلىعى شىققانان كەيىن اۋدان بولىنگەننەن كەيىن حالىقتى ماڭىزدى قۇجاتپەن تانىستىرۋ ءۇشىن ماقتاارال اۋدانىنداعى ورتالىق ستاديونعا جينالعان حالىقتىڭ قاراسى كوپ بولعانى ەسىمىزدە. بۇ وقيعا ورازا ايىنىنا ءدوپ كەلسە دە سول كەزدە ات شاپتىرىم ستاديونعا 9 مىڭعا جۋىق ادام جينالعان بولاتىن. وسى ءبىر جايتتان-اق اۋداننىڭ ءبولىنىپ، كەڭەيگەنىنە حالىق ءدان ريزا.

– اۋداندى ەكىگە ءبولۋ بارلىق جاعىنان ءتيىمدى بولدى. ەكى اكىم بولسا، اۋىلىنا جاقىن، حالىقپەن، تۇرعىنداردىڭ ماسەلەسى بويىنشا جيىرەك جولىعىپ تۇرۋعا مۇمكىندىك تۋدى. ونىڭ ۇستىنە قانشاما ماماندار بازاردا وتىر، جۇمىس تاپپاي ءجۇر، سولارعا جۇمىس ورىندارى اشىلدى. بۇرىندارى اكىمدىككە قاراستى 12 ءبولىم بولاتىن بولسا، ءقازىر ەكى اۋداندا 24-كە جەتىپ وتىر. 24 ءبولىمنىڭ باستىعى بار، قىزمەتكەرلەرى بار دەگەندەي. اۋدان ىقشامدالعاننان كەيىن باسقارۋعا دا وڭاي بولادى. حالىقتىڭ دا كەلىپ كەتۋىنە ىڭعايلى. كوپتەگەن ماماندار وزدەرىنىڭ مۇمكىندىكتەرىن، قابىلەتتەرىن كورسەتە الماي جۇرسە، ەندى باسشىلىق ورىندارعا كەلىپ، وزدەرىن كورسەتۋ مۇمكىندىگىنە يە بولدى. سىرتتان ءبىر دە ءبىر مامان تارتقان جوقپىز. وسى ءوڭىردىڭ، بۇرىنعى ماقتاارال اۋدانى اكىمدىگىنىڭ قىزمەتكەرلەرىن ەكىگە بولدىك تە قويدىق. بيۋدجەتتى دە ەكىگە بولدىك. جاڭا جىلدان باستاپ بىزگە جاڭا شتات بەرەدى. ول شتاتقا سايكەس قوسىمشا بيۋدجەتىن بەرەدى. سول بويىنشا ارى قاراي جۇمىس ىستەيمىز، – دەدى

قازىرگى تاڭدا ەكى اۋداندى قوسقاندا 182 ەلدىمەكەننىڭ 113ء-ى – جەتىسايعا قاراسا، قالعانى ماقتاارال اۋدانىنا قارايدى. جەتىساي اۋدانىنداعى حالىقتىڭ سانى – 173 مىڭدى قۇراپ وتىر. ماقتاارال اۋدانىندا 131 مىڭ حالىق بار.