Jamantai Beisenbaev: «Aýdandy ekige bólý barlyq jaǵynan tiimdi boldy»
Elbasynyń Jarylyǵy shyqqanan keiin aýdan bólingennen keiin halyqty mańyzdy qujatpen tanystyrý úshin Maqtaaral aýdanyndaǵy ortalyq stadionǵa jinalǵan halyqtyń qarasy kóp bolǵany esimizde. Bu oqiǵa Oraza aiynyna dóp kelse de sol kezde at shaptyrym stadionǵa 9 myńǵa jýyq adam jinalǵan bolatyn. Osy bir jaittan-aq aýdannyń bólinip, keńeigenine halyq dán riza.
– Aýdandy ekige bólý barlyq jaǵynan tiimdi boldy. Eki ákim bolsa, aýylyna jaqyn, halyqpen, turǵyndardyń máselesi boiynsha jiirek jolyǵyp turýǵa múmkindik týdy. Onyń ústine qanshama mamandar bazarda otyr, jumys tappai júr, solarǵa jumys oryndary ashyldy. Buryndary ákimdikke qarasty 12 bólim bolatyn bolsa, qazir eki aýdanda 24-ke jetip otyr. 24 bólimniń bastyǵy bar, qyzmetkerleri bar degendei. Aýdan yqshamdalǵannan keiin basqarýǵa da ońai bolady. Halyqtyń da kelip ketýine yńǵaily. Kóptegen mamandar ózderiniń múmkindikterin, qabiletterin kórsete almai júrse, endi basshylyq oryndarǵa kelip, ózderin kórsetý múmkindigine ie boldy. Syrttan bir de bir maman tartqan joqpyz. Osy óńirdiń, burynǵy Maqtaaral aýdany ákimdiginiń qyzmetkerlerin ekige bóldik te qoidyq. Biýdjetti de ekige bóldik. Jańa jyldan bastap bizge jańa shtat beredi. Ol shtatqa sáikes qosymsha biýdjetin beredi. Sol boiynsha ary qarai jumys isteimiz, – dedi
Qazirgi tańda eki aýdandy qosqanda 182 eldimekenniń 113-i – Jetisaiǵa qarasa, qalǵany Maqtaaral aýdanyna qaraidy. Jetisai aýdanyndaǵy halyqtyń sany – 173 myńdy qurap otyr. Maqtaaral aýdanynda 131 myń halyq bar.
