بۇل تۋرالى Tengrinews.kz حابارلادى.
"انتيكوررۋپسيالىق قىزمەت "فەنيكس" كوركەمفيلمىنىڭ وندىرىسىنە بولىنگەن 69 ميلليون تەڭگە سوماسىنداعى اسا ءىرى بيۋدجەت قاراجاتىن جىمقىردى دەگەن كۇدىك كەلگەن تۇڭعىشباي جامانقۇلوۆقا، گاۋھار ىسقاقوۆاعا، ناتاليا يۋديناعا جانە باسقا تۇلعالارعا قاتىستى قىلمىستىق ءىستى تەرگەۋدى اياقتادى"، - دەپ حابارلادى ۇلتتىق بيۋرونىڭ تەرگەۋ دەپارتامەنتى باسشىسىنىڭ ورىنباسارى ولەسيا كەكسەل Tengrinews.kz رەداكسياسىنىڭ رەسمي ساۋالىنا بەرگەن جاۋاپتا.
سوتالدى تەرگەۋ بارىسىندا جامانقۇلوۆتىڭ 6 ميلليون تەڭگە كولەمىندە شىعىندى ىشىناراوتەگەنى ايتىلادى. ايتا كەتەيىك، اكتەر وسىعان دەيىن ءوز كىناسىن تولىقتاي مويىنداعان بولاتىن.
"قازىرگى ۋاقىتتا ءىس ماتەريالدارى پروسەسس قاتىسۋشىلارىنا تانىسۋعا بەرىلدى، ودان كەيىن قىلمىستىق ءىس ايىپتاۋ اكتىسىمەن الماتى پروكۋراتۋراسى قاراۋعا جانە كۇدىكتىلەردى سوتقا بەرۋ ءۇشىن جىبەرىلەدى"، - دەدى كەكسەل.
ايتا كەتەيىك، قاراجات جىمقىرۋ ىسىندە رەجيسسەر تالگاد جانىبەكوۆتىڭ دە اتى اتالادى. ول وتكەن جىلدىڭ جەلتوقسانىندا 2 ايعا قاماۋعا الىنعان بولاتىن.
