Bul týraly Tengrinews.kz habarlady.
"Antikorrýptsiialyq qyzmet "Feniks" kórkemfilminiń óndirisine bólingen 69 million teńge somasyndaǵy asa iri biýdjet qarajatyn jymqyrdy degen kúdik kelgen Tuńǵyshbai Jamanqulovqa, Gaýhar Ysqaqovaǵa, Natalia Iýdinaǵa jáne basqa tulǵalarǵa qatysty qylmystyq isti tergeýdi aiaqtady", - dep habarlady Ulttyq biýronyń tergeý departamenti basshysynyń orynbasary Olesia Keksel Tengrinews.kz redaktsiiasynyń resmi saýalyna bergen jaýapta.
Sotaldy tergeý barysynda Jamanqulovtyń 6 million teńge kóleminde shyǵyndy ishinaraótegeni aitylady. Aita keteiik, akter osyǵan deiin óz kinásin tolyqtai moiyndaǵan bolatyn.
"Qazirgi ýaqytta is materialdary protsess qatysýshylaryna tanysýǵa berildi, odan keiin qylmystyq is aiyptaý aktisimen Almaty prokýratýrasy qaraýǵa jáne kúdiktilerdi sotqa berý úshin jiberiledi", - dedi Keksel.
Aita keteiik, qarajat jymqyrý isinde rejisser Talgad Jánibekovtiń de aty atalady. Ol ótken jyldyń jeltoqsanynda 2 aiǵa qamaýǵa alynǵan bolatyn.
