الايدا بۇل اقپارات راستالمادى. مۇحامەديۇلىنىڭ باسپاسٶز حاتشىسى مۇنى جوققا شىعاردى, ارتىنشا ەكس-مينيستر قازاقستان حالقى مەن پرەزيدەنت توقاەۆقا بەينەٷندەۋ جولداپ, بولعان وقيعا تۋرالى بايانداپ بەردٸ, دەپ حابارلايدى Dalanews.kz.
ارىستانبەك مۇحامەديۇلى اقشا جىمقىرۋعا قاتىستى داۋ 2014 جىلى مەدەنيەت مينيسترٸ بولىپ تاعايىندالعان سوڭ باستالعانىن ايتادى.
وسى تۇستا عارىش كەڭٸستٸگٸ تۋرالى فيلم تٷسٸرٸلگەن جەنە جوبانى ٸسكە اسىرۋ ٷشٸن ول تالعات مۇساباەۆ جەنە تۇڭعىشباي جامانقۇلوۆپەن كەزدەسكەن.
"سوسىن ٶمٸرٸمدە العاش رەت كٶرگەن تالعات جەنٸبەكوۆ دەگەن رەجيسسەرمەن جولىقتىم. بٸر كەزدەسۋدە تالعات مۇساباەۆ بۇل جوبانىڭ شيكٸلٸگٸ كٶپ ەكەنٸن, عارىشقا ەش قاتىسى جوق, بٸر فانتازييا ەكەنٸن العا تارتىپ, جوباعا قاتىسپايتىنىن مەلٸمدەدٸ. ەرينە, كٷدٸك بولعان سوڭ بارلىعىن تەكسەرە باستادىق. تالعات جەنٸبەكوۆ – ٶمٸرٸندە ەكٸنشٸ رەت كينو تٷسٸرٸپ تۇرعان ازامات. سوسىن تۇڭعىشباي جامانقۇلوۆ فيلمدٸ تٷسٸرۋگە امەريكالىق "الداميس" دەگەن ٷلكەن كومپانييانىڭ قاتىساتىنىن ايتتى", – دەپ مەلٸمدەدٸ ول Facebook پاراقشاسىندا جارييالاعان بەينەٷندەۋدە.
ارىستانبەك مۇحامەديۇلىنىڭ سٶزٸنشە, تۇڭعىشباي جامانقۇلوۆ فيلم تٷسٸرۋگە ارنالعان 550 ميلليون تەڭگەنٸڭ 100 ميلليونىن الۋعا قاجەتتٸ قۇجاتتاردى ۇسىنباعان.
كەيٸن "قازاقفيلم" مەن جامانقۇلوۆ باسقاراتىن "Turan Universal Business" كومپانيياسى اراسىندا سوت بولعان.
"سوت "قازاقفيلم" كومپانيياسىنىڭ دۇرىس ەكەنٸن دەلەلدەدٸ. اپپەلياتسييالىق سوتتا دا جامانقۇلوۆتىڭ كومپانيياسى جەڭٸلدٸ. كەيٸن "الداميس رۋس" كومپانيياسىنىڭ وسى شارا ٷشٸن تٸركەلگەن بٸر كٷندٸك كومپانييا ەكەنٸ انىقتالدى. ەشقانداي قارجىلىق وپەراتسييالار جٷرمەگەن. جەكە قورىندا تەك 10 000 رۋبل نەمەسە 50 000 تەڭگە عانا بولعان.
ماعان شابۋىل جاسالعان سەبەبٸ – اقشانى جالعان رەسەيلٸك كومپانييانىڭ قالتاسىندا كەتۋٸنە جول بەرمەۋٸم.
بار كٸنەم وسى. ەرٸ قاراي "الداميس رۋس" كومپانيياسىنىڭ قايدان شىققانىن, امەريكالىق "الداميس" كومپانيياسىمەن قانداي بايلانىسى بارىن تەكسەرۋ ٷشٸن ارنايى سۇرانىس جٸبەردٸك. وسى كەزدە تۇڭعىشباي جامانقۇلوۆ "الداميس" كومپانيياسىنان حات كەلدٸ دەپ قۇجاتتى ۇستاتتى. بٸراق سوڭىندا قويىلعان قول جالعان بولىپ شىقتى", – دەپ قوستى ارىستانبەك مۇحامەديۇلى.
[video width="854" height="480" mp4="https://dalanews.kz/wp-content/uploads/2022/05/281674219_1453392168410888_3271943782914929490_n.mp4"][/video]
بۇرىنعى مەدەنيەت مينيسترٸ "الداميس رۋس" پەن امەريكالىق "الداميسا" كومپانيياسىنىڭ اراسىندا ەشقانداي بايلانىس جوق ەكەنٸن مەلٸمدەدٸ.
"سوسىن تۇڭعىشباي جامانقۇلوۆ ماعان 3 ميلليون دوللاردى "الداميس رۋس" كومپانيياسىنا اۋدارماسام, شابۋىل جاسالاتىنىن, ٶمٸرٸمدە ٷلكەن مەسەلە تۋىندايتىنىن ايتتى.
ونىڭ ارتىندا سول كەزدە پرەزيدەنت ەكٸمشٸلٸگٸنٸڭ باسشىسى ورىنباسارى قىزمەتٸندە بولعان, كەيٸن وتاندى ساتقانى ٷشٸن سوتتالعان باعلان مايلىباەۆ تۇرعان.
ونىڭ ٷستٸنە داريعا نازارباەۆا بٸرنەشە رەت تاپسىرما بەرگەندٸكتەن, تۇڭعىشباي جاماقۇلوۆ قولىنان كەلگەن ٸس-ەرەكەتتەردٸ جاسادى", – دەيدٸ ارىستانبەك مۇحامەديۇلى.
جاسالعان شابۋىلداردىڭ العاشقىسى رەجيسسەر تالعات جەنٸبەكوۆتىڭ مۇحامەديۇلىنا قارسى تٷسٸرگەن بەينەٷندەۋٸ بولىپتى. الايدا ۆيدەونىڭ جالعان ەكەنٸ دەلەلدەنگەن دەيدٸ. ال كەيٸن تۇڭعىشباي جامانقۇلوۆ ٶزٸ كەلٸپ ارىستانبەك مۇحامەديۇلىنان كەشٸرٸم سۇراعان.
"كەلٸپ كەشٸرٸم سۇرادى. قولىما حاتتى ۇستاتتى. نۇرسۇلتان نازارباەۆتىڭ اتىنا جازىلعان حاتتا اراداعى كەلٸسپەۋشٸلٸك تۋرالى ايتىلعان. الايدا مەن بۇل حاتتىڭ كەرەك ەمەس ەكەنٸن, حالىقتىڭ الدىندا كەشٸرٸم سۇراۋى كەرەك ەكەنٸن ايتتىم. وسىدان كەيٸن عانا مەن بٸرگە جۇمىس ٸستەيتٸنٸمدٸ مەلٸمدەدٸم", – دەپ قوستى ول.
ايتۋىنشا, وسى وقيعادان كەيٸن تۇڭعىشباي جامانقۇلوۆ سۇحباتتارىندا مٷلدە باسقا اقپارات تاراتقان. سونداي-اق ول سٶز سوڭىندا ٶز تاراپىنان زاڭ بۇزۋشىلىق بار ەكەنٸ انىقتالسا, تيٸستٸ جازانى ٶتەۋگە ەزٸر ەكەنٸن مەلٸمدەدٸ.
