استانادا باسىنا كونديتسيونەر قۇلاپ, اۋىر جاراقات العان فەلدشەردٸڭ جاعدايى اۋىر. بۇل تۋرالى دەنساۋلىق ساقتاۋ ۆيتسە-مينيسترٸ تيمۋر مۇراتوۆ مەلٸمدەدٸ, دەپ حابارلايدى Dalanews.kz.
“يە, ونىڭ جاعدايى ٶتە اۋىر, قازٸرگٸ ۋاقىتتا جانساقتاۋ بٶلٸمٸندە جاتىر. كٶمەك تولىق كٶلەمدە كٶرسەتٸلٸپ وتىر. نەگٸزگٸ جەدەل شارالار جاسالدى”, – دەدٸ مۇراتوۆ.
ۆيتسە-مينيستر زارداپ شەككەندەرگە تٶتەنشە جاعداي قىزمەتتەرٸ كەلگەنگە دەيٸن جەدەل كٶمەك كٶرسەتۋگە ات سالىسقان فەلدشەردٸڭ ٸس-ەرەكەتٸن باتىرلىق دەپ باعالادى.
“تاعى بٸر ناۋقاستىڭ دا جاعدايى اۋىر, جانساقتاۋ بٶلٸمٸندە جاتىر. ال قالعان ٷش ناۋقاستىڭ ٶمٸرٸنە قاۋٸپ تٶنٸپ تۇرعان جوق, ولار تيٸستٸ ەم الىپ جاتىر”, – دەپ حابارلادى مينيسترلٸك ٶكٸلٸ.
ەسكە سالايىق, 8 قاراشا كٷنٸ استانانىڭ الماتى اۋدانىندا, تەۋەلسٸزدٸك داڭعىلى 24ب مەكەنجايىندا ورنالاسقان توعىز قاباتتى تۇرعىن ٷيدٸڭ سىرتقى كٸرپٸش قاپتاماسى مەن كونديتسيونەر ورناتىلعان بٶلٸگٸ قۇلاپ, بٸرنەشە ادامدار زارداپ شەكتٸ.
