پەريزات قايرات پەن عايني الاشبايەۆاعا قاتىستى قىلمىستىق ءىس بويىنشا جابىرلەنۋشى رۋسلان تۋماشيەۆ سوتتا سوتتالۋشىلاردىڭ جازاسىن جۇمسارتۋعا ۇزىلدى-كەسىلدى قارسى ەكەنىن مالىمدەدى، دەپ حابارلايدى Dalanews.kz.
"قاراجاتتى Biz Birgemiz قايىرىمدىلىق قورىنىڭ شوتىنا ءموبيلدى قوسىمشا ارقىلى اۋداردىم. بۇل قوردىڭ بار ەكەنىن العاش رەت ەكونوميكالىق تەرگەۋ دەپارتامەنتىنىڭ قىزمەتكەرلەرىنەن ەستىدىم. ايىپتاۋشى تاراپتىڭ ۇستانىمىن تولىق قولدايمىن، پروكۋروردىڭ ۇستانىمىمەن كەلىسەمىن"، – دەدى ول.
تۋماشيەۆتىڭ ايتۋىنشا، كەيبىر جابىرلەنۋشىلەر سوتتالۋشىلاردىڭ جاسىنا نەمەسە جەكە جاعدايىنا بايلانىستى جەڭىل جازا قولدانۋدى سۇراپ جاتىر. الايدا ول مۇنداي ۇسىنىستارعا ۇزىلدى-كەسىلدى قارسى.
"مۇنداي ارەكەتتەرگە مۇلدە جول بەرىلمەۋى كەرەك. بۇعان توسقاۋىل قويىلۋى ءتيىس"، – دەپ قوستى جابىرلەنۋشى.
ول سونىمەن قاتار ءوزىنىڭ ازاماتتىق تالابىن دا قاناعاتتاندىرۋدى سۇرادى.
"نەلىكتەن اناسى قىزىن توقتاتپادى؟"
تاعى ءبىر جابىرلەنۋشى ءامينا ايماعانبەتوۆا قورعا 1 ميلليون تەڭگە اۋدارعانىن ايتتى. ول پەريزات قايراتتىڭ اناسىن قىزىنا دەر كەزىندە توقتاۋ سالماعانى ءۇشىن ايىپتادى.
"مەنىڭ ويىمشا، بارىنشا قاتاڭ جازا قولدانۋ قاجەت. اناسى ميللياردتاعان اقشانى يەمدەنىپ جۇرگەن قىزىن نەگە توقتاتپاعان؟"، – دەپ نارازىلىعىن ءبىلدىردى ول.
ايىپتاۋ تاراپى نە سۇرادى؟
ايتا كەتەيىك، پروكۋرور پەريزات قايراتتى 10 جىلعا باس بوستاندىعىنان ايىرۋدى، ال ونىڭ اناسى عايني الاشبايەۆانى 8 جىلعا سوتتاۋدى سۇراپ وتىر.
