ەرلىك پە، جۇمىس پا؟ ىشكى ىستەر ءمينيسترى ەرجان سادەنوۆ ورتالىق كوممۋنيكاسيالار قىزمەتىنىڭ پودكاستىندا الماتى اۋەجايىندا جانە پەتروپاۆلدا كوشەدە بولعان قۇقىق بۇزۋشىلاردى قارۋسىزداندىرۋ جاعدايلارىنا قاتىستى تۇسىنىكتەمە بەردى، - دەپ حابارلايدى Dalanews.kz.
ىشكى ىستەر ءمينيسترى الماتى اۋەجايىندا ايەلدى كەپىلگە الۋ بويىنشا قىلمىستىق پروسەسس جالعاسىپ جاتقانىن اتاپ ءوتتى. سونداي-اق پوليسيا قىزمەتكەرلەرىنىڭ ىس-ارەكەتتەرىنە قاتىستى تەكسەرۋ جۇرگىزىلىپ جاتىر.
«جارىپ جىبەرۋ جانە قارۋ قولدانۋ ءقاۋپى بولعانىن ەسكەرسەك، ياعني ادامدار كوپ جەردە پوليسيا قىزمەتكەرلەرى دۇرىس ارەكەت ەتتى. بۇعان باعا بەرەمىز»، – دەدى ەرجان سادەنوۆ.
ال پەتروپاۆلدا ۇلتتىق ۇلان قىزمەتكەرى كوشەدە تاپانشامەن تۇرعىنداردى قورقىتقان ادامدى قارۋسىزداندىرعان جاعدايعا توقتالا كەلە، ءىىم باسشىسى مۇنداي ەرلىك كۇن سايىن جاسالاتىنىن ايتتى.
«پوليسەي بولۋ – بۇل قوعام، حالىق، مەملەكەت، وتان ءۇشىن ەرلىك جاساۋ. ياعني، قىلمىسكەردى قارۋسىزداندىرۋ – بۇل جۇمىس. ادامدار مۇنى ەرلىك دەپ سانايتىن شىعار، ءىس جۇزىندە بۇل جۇمىس. سوندىقتان انت قابىلداعان العاشقى كۇننەن باستاپ ءبىز قىزمەتكەرلەرىمىزگە پوليسيا ميسسياسىنىڭ ماڭىزدىلىعى تۋرالى ايتامىز»، – دەدى ەرجان سادەنوۆ.
ەستەرىڭىزگە سالا كەتەيىك، الماتى اۋەجايىندا ايەلدى كەپىلگە الۋ فاكتىسى بويىنشا تەرگەۋ قىلمىستىق كودەكستىڭ ءۇش بابى بويىنشا ءجۇرىپ جاتىر. كۇدىكتى قاماۋعا الىنىپ، تەرگەۋ وقشاۋلاعىشىنا قامالدى.
