Erlik pe, jumys pa? Ishki ister ministri Erjan Sádenov Ortalyq kommýnikatsiialar qyzmetiniń podkastynda Almaty áýejaiynda jáne Petropavlda kóshede bolǵan quqyq buzýshylardy qarýsyzdandyrý jaǵdailaryna qatysty túsinikteme berdi, - dep habarlaidy Dalanews.kz.
Ishki ister ministri Almaty áýejaiynda áieldi kepilge alý boiynsha qylmystyq protsess jalǵasyp jatqanyn atap ótti. Sondai-aq politsiia qyzmetkerleriniń is-áreketterine qatysty tekserý júrgizilip jatyr.
«Jaryp jiberý jáne qarý qoldaný qaýpi bolǵanyn eskersek, iaǵni adamdar kóp jerde politsiia qyzmetkerleri durys áreket etti. Buǵan baǵa beremiz», – dedi Erjan Sádenov.
Al Petropavlda Ulttyq ulan qyzmetkeri kóshede tapanshamen turǵyndardy qorqytqan adamdy qarýsyzdandyrǵan jaǵdaiǵa toqtala kele, IIM basshysy mundai erlik kún saiyn jasalatynyn aitty.
«Politsei bolý – bul qoǵam, halyq, memleket, Otan úshin erlik jasaý. Iaǵni, qylmyskerdi qarýsyzdandyrý – bul jumys. Adamdar muny erlik dep sanaityn shyǵar, is júzinde bul jumys. Sondyqtan ant qabyldaǵan alǵashqy kúnnen bastap biz qyzmetkerlerimizge politsiia missiiasynyń mańyzdylyǵy týraly aitamyz», – dedi Erjan Sádenov.
Esterińizge sala keteiik, Almaty áýejaiynda áieldi kepilge alý faktisi boiynsha tergeý Qylmystyq kodekstiń úsh baby boiynsha júrip jatyr. Kúdikti qamaýǵa alynyp, tergeý oqshaýlaǵyshyna qamaldy.
