يران بيلٸگٸ 2026 جىلدىڭ قاڭتارىندا شارىقتاۋ شەگٸنە جەتكەن ٷكٸمەتكە قارسى جاپپاي نارازىلىقتارعا قاتىستى دەگەن ايىپپەن ەكٸ ەر ادامنىڭ دارعا اسىلعانىن حابارلادى. بۇل تۋرالى 19 شٸلدەدە AFP جەنە Fars اگەنتتٸكتەرٸ مەلٸمدەدٸ, دەپ حابارلايدى dalanews.kz.
ٶلٸم جازاسى ەرفان ەسفاندياري مەن گول-موحامماد موحامماديگە قاتىستى ورىندالعان.
يران بيلٸگٸنٸڭ مەلٸمەتٸنشە, ولار يسفاحان قالاسىندا (تەگەراننان وڭتٷستٸككە قاراي شامامەن 340 شاقىرىم جەردە) پوليتسييا قىزمەتكەرلەرٸن جول بەلگٸسٸنە ارقانمەن بايلاپ, تاسپەن جاراقاتتاپ, كەيٸن ٷستٸنە بەنزين قۇيىپ, تٸرٸدەي ٶرتەپ جٸبەرگەن. سوت ورگاندارىنىڭ مەلٸمدەۋٸنشە, قۇقىق قورعاۋ قىزمەتكەرلەرٸ قازا تاپقاننان كەيٸن ولاردىڭ دەنەلەرٸ بٶلشەكتەلگەن.
رەسمي نۇسقاعا سەيكەس, بۇل وقيعا ۆيدەوعا تٷسٸرٸلٸپ, كەيٸن شەتەلدٸك تەلەارنالارعا جولدانعان. الايدا مەلٸمدەمەدە كٷدٸكتٸلەردٸڭ قاشان ۇستالعانى, سوت پروتسەسٸ قاشان ٶتكەنٸ جەنە ولاردىڭ جاسى تۋرالى اقپارات جارييالانباعان.
يرانداعى جاپپاي نارازىلىقتار
يراندا جاپپاي نارازىلىقتار 2025 جىلدىڭ جەلتوقسان ايىنىڭ سوڭىندا باستالىپ, بيلٸك ولاردى كٷشپەن باستى. العاشىندا حالىقتىڭ كٶشەگە شىعۋىنا ٶمٸر سٷرۋ قۇنىنىڭ قىمباتتاۋى سەبەپ بولعانىمەن, كەيٸن نارازىلىقتار ٷكٸمەتكە قارسى اۋقىمدى شەرۋلەرگە ۇلاستى. ەڭ قىزعان كەزەڭٸ 2026 جىلدىڭ 8–9 قاڭتارىنا سەيكەس كەلدٸ.
يران بيلٸگٸ تەرتٸپسٸزدٸكتەر كەزٸندە 3 مىڭنان استام ادامنىڭ قازا تاپقانىن حابارلاپ, وقيعالاردى اقش پەن يزرايل ۇيىمداستىرعان «تەرروريستٸك ەرەكەتتەردٸڭ» سالدارى دەپ باعالادى.
ال حالىقارالىق قۇقىق قورعاۋ ۇيىمدارى يراننىڭ قاۋٸپسٸزدٸك كٷشتەرٸ دەمونسترانتتارعا وق اتقانىن مەلٸمدەگەن.
وسى وقيعالاردان كەيٸن اقش پرەزيدەنتٸ دونالد ترامپ يرانعا قارسى ەسكەري ارالاسۋ مٷمكٸندٸگٸن ەسكەرتكەن. كەيٸن, 28 اقپاندا اقش پەن يزرايل يران اۋماعىنا بٸرلەسكەن سوققى جاساپ, بۇل تاياۋ شىعىستاعى سوعىستىڭ باستالۋىنا تٷرتكٸ بولدى.
