جاڭا مەديتسينالىق نىساننىڭ اشىلۋىنا الماتى وبلىسى ەكٸمٸنٸڭ ورىنباسارى باتىرجان بايجۇمانوۆ ارنايى كەلٸپ, ستانتسييانىڭ جۇمىسىمەن تانىستى.
بارلىق وكرۋگتەردەگٸ اۋىلدىق امبۋلاتورييادان كەلگەن ناۋقاستاردان الىنعان سىنامالاردى وسى زەرتحانادا قابىلداۋ جوسپارلانۋدا. دەل قازٸرگٸ كەزدە اسا ماڭىزدى سانالاتىن قۇرىلعى – وتتەگٸ ستانتسيياسى دا وسىندا ورناتىلعان. قۇرىلعى «Birgemiz Jetisy» قورى مەن وبلىستىق بيۋدجەتتەن بٶلٸنگەن قارجىعا الىندى.
الماتى وبلىستىق دەنساۋلىق ساقتاۋ باسقارماسى اتالمىش زەرتحانانى ٸلە اۋدانىنىڭ ورتالىق اۋرۋحاناسىندا سالدىرۋىنىڭ ٶز سەبەبٸ بار. ٶيتكەنٸ ٸلە اۋدانى وبلىس بويىنشا حالقى تىعىز ورنالاسقان ٶڭٸر.
ستانتسييانىڭ اشىلۋ رەسٸمٸندە سٶز سٶيلەگەن اۋرۋحانانىڭ باس دەرٸگەرٸ باۋىرجان ىسقاق:
– جاڭادان اشىلىپ وتىرعان پتر-زەرتحاناعا بٸز ەرەكشە قۋانىشتىمىز. بۇل زەرتحانا ٸندەتتٸ انىقتاپ, ونىڭ الدىن الۋدا ٷلكەن كٶمەك بولدى. ماماندارىمىز ارنايى وقۋ كۋرسىنان ٶتٸپ, سەيكەستٸلٸك سەرتيفيكاتتارىن الىپ, جۇمىستارىنا بٸلەك سىبانا كٸرٸسۋدە. زەرتحانا كٷنٸنە 500-گە جۋىق تەست ساراپتاماسىن قامتي الادى. تاعى بٸر جاڭالىعىمىز – وتتەگٸ ستانتسيياسى. بۇل ستانتسييادا 150 كيلوۆاتتىق ەنەرگييا قۋاتىندا جۇمىس ٸستەيتٸن 50 تەكشە مەتر سىيىمدىلىعى بار وتتەگٸ جيناقتايتىن ەكٸ قوندىرعى ورناتىلعان. وسى ەكٸ قوندىرعىدان وتتەگٸ الىنادى. وسىعان وراي, اۋرۋحانا بٶلٸمدەرٸنە وتتەگٸ بەرٸلەتٸن 100 دانا قوسىمشا روزەتكالار تارتىلدى, – دەپ ورىن العان جاڭالىقتى قىسقاشا ايتىپ بەردٸ.
بٷگٸنگٸ كٷنٸ كوروناۆيرۋس بويىنشا اۋدانداعى جاعداي تۇراقتى. اۋداندىق ورتالىق اۋرۋحانادا ٸندەتپەن كٷرەسۋگە بارىنشا جاعداي جاسالىپ, كوروناۆيرۋسپەن اۋىرعانداردى ەمدەۋگە تٶسەك ورىندارى ەزٸرلەندٸ.
