Jańa meditsinalyq nysannyń ashylýyna Almaty oblysy ákiminiń orynbasary Batyrjan Baijumanov arnaiy kelip, stantsiianyń jumysymen tanysty.
Barlyq okrýgterdegi aýyldyq ambýlatoriiadan kelgen naýqastardan alynǵan synamalardy osy zerthanada qabyldaý josparlanýda. Dál qazirgi kezde asa mańyzdy sanalatyn qurylǵy – ottegi stantsiiasy da osynda ornatylǵan. Qurylǵy «Birgemiz Jetisy» qory men oblystyq biýdjetten bólingen qarjyǵa alyndy.
Almaty oblystyq Densaýlyq saqtaý basqarmasy atalmysh zerthanany Ile aýdanynyń ortalyq aýrýhanasynda saldyrýynyń óz sebebi bar. Óitkeni Ile aýdany oblys boiynsha halqy tyǵyz ornalasqan óńir.
Stantsiianyń ashylý rásiminde sóz sóilegen aýrýhananyń bas dárigeri Baýyrjan Ysqaq:
– Jańadan ashylyp otyrǵan PTR-zerthanaǵa biz erekshe qýanyshtymyz. Bul zerthana indetti anyqtap, onyń aldyn alýda úlken kómek boldy. Mamandarymyz arnaiy oqý kýrsynan ótip, sáikestilik sertifikattaryn alyp, jumystaryna bilek sybana kirisýde. Zerthana kúnine 500-ge jýyq test saraptamasyn qamti alady. Taǵy bir jańalyǵymyz – ottegi stantsiiasy. Bul stantsiiada 150 kilovattyq energiia qýatynda jumys isteitin 50 tekshe metr syiymdylyǵy bar ottegi jinaqtaityn eki qondyrǵy ornatylǵan. Osy eki qondyrǵydan ottegi alynady. Osyǵan orai, aýrýhana bólimderine ottegi beriletin 100 dana qosymsha rozetkalar tartyldy, – dep oryn alǵan jańalyqty qysqasha aityp berdi.
Búgingi kúni koronavirýs boiynsha aýdandaǵy jaǵdai turaqty. Aýdandyq ortalyq aýrýhanada indetpen kúresýge barynsha jaǵdai jasalyp, koronavirýspen aýyrǵandardy emdeýge tósek oryndary ázirlendi.
