«الەۋمەتتىك جەلىدە «Radiotochka» سايتىنىڭ باس رەداكتورى ب.ىدىرىسوۆقا تەرگەۋ ورگاندارى تارابىنان قىسىم جاسالدى دەپ تاراعان اقپاراتتىڭ شىندىققا جاناسپايتىندىعىن حابارلايمىز»، - دەلىنگەن قالالىق پروكۋراتۋرانىڭ قازاقپاراتتىڭ رەسمي ساۋالىنا وراي بەرگەن جاۋابىندا.
ۆەدومستۆونىڭ اتاپ وتۋىنشە، تەرگەۋ ورگاندارى ب.ىدىرىسوۆتى ب.عابدۋللينگە قاتىستى قىلمىستىق ءىس بويىنشا كۋاگەر رەتىندە ق ر قك 420 جانە 421 باپتارىن ساقتاي وتىرىپ تەرگەگەن جانە جالعان كۋالىك بەرگەنى ءارى كۋالىك بەرۋدەن باس تارتقانى ءۇشىن جاۋاپكەرشىلىك بار ەكەندىگىن ەسكەرتكەن.
ب.ىدىرىسوۆقا قاتىستى قۇقىق قورعاۋ ورگاندارى تارابىنان قىلمىستىق قۋدالاۋ بولعان جوق جانە وعان ىزدەۋ جاريالانباعان دا.
ايتا كەتەيىك، Radiotochka.kz سايتىنىڭ باس رەداكتورى بەكجان ىدىرىسوۆ ءوزىنىڭ فەيسبۋكتەگى پاراقشاسىندا CentralAsiaMonitor باس رەداكتورى ءارى Radiotochka.kz ديرەكتورى بيگەلدى ءعابدۋلليننىڭ ىسىنە بايلانىستى تەرگەۋ ورگاندارى وزىنە قىسىم جاساعاندىعىن، سوندىقتان قازاقستاننان كەتكەندىگىن جازعان بولاتىن.
ەستەرىڭىزگە سالا كەتەيىك، وتكەن جىلدىڭ 16 قاراشاسىندا استانا قالاسى الماتى اۋداندىق №2 سوتىنىڭ سانكسياسىمەن بيگەلدى عابدۋللين تۇتقىنعا الىندى. ول ءوز قۇزىرىنداعى بۇقارالىق اقپارات قۇرالدارىن پايدالانىپ، مەملەكەتتىك ورگان جەتەكشىلەرىنىڭ ىسكەرلىك ابىرويىنا نۇقسان كەلەتىن ماتەريالداردى جاريالاۋ ارقىلى ولارعا اقپاراتتىق شابۋىل جاساعان.
الداعى ۋاقىتتا سىناۋدى توقتاتۋ ءۇشىن عادبۋللين لاۋازىمدى تۇلعالاردان ءوز مەديا رەسۋرستارىنا مەملەكەتتىك تاپسىرىستار تالاپ ەتكەن. ولار ءوز كەزەگىندە ءعابدۋليننىڭ كومپانياسىن قولپاشتاپ، مەملەكەتتىك ساتىپ الۋلار تۋرالى كەلىسىمشارتتار بەكىتۋدى قامتاماسىز ەتكەن. وسىدان كەيىن عانا ولاردىڭ قىزمەتى تۋرالى تەك جاعىمدى ماتەريالدار جاريالانىپ وتىرعان.
ماسەلەن، جامبىل وبلىسى اكىمدىگىنەن عابدۋللين 10 ميلليون تەڭگە كولەمىندەگى قاراجات بوپسالاعان. ءدال وسى سحەمامەن 7 مەملەكەتتىك ورگان عابدۋللينگە مەملەكەتتىك تاپسىرىس الىپ بەرگەن.
