2023 جىلى وتەتىن دۇنيەجۇزىلىك ءموبيلدى كونگرەسكە دايىندىق اياسىندا Huawei يۋنەسكو-نىڭ ساۋاتتىلىقتى ارتتىرۋ جونىندەگى جاھاندىق اليانسىنا Global Alliance for Literacy (GAL) قوسىلاتىنىن جاريالادى. بۇل تۋرالى Huawei كومپانياسى GAL حاتشىلىعى رەتىندە قىزمەت ەتەتىن ۇزدىكسىز ءبىلىم بەرۋ ينستيتۋتىمەن (Lifelong Learning) بىرلەسىپ ۇيىمداستىرعان سيفرلىق سامميتتە حابارلادى.
سامميتتە Huawei جانە UIL ءبىلىم دەڭگەيىن جەتىلدىرۋ ءۇشىن تەحنولوگيالاردى بىرلەسىپ پايدالانۋعا جاردەمدەسەتىن بولىپ شەشتى. سونداي-اق تاراپتار ەكىجاقتى ىنتىماقتاستىق تۋرالى كەلىسىمگە قول قويدى. وسىعان سايكەس Huawei دامۋشى ەلدەردەگى ۇستازداردىڭ تەحنولوگيالاردى پايدالانۋىن جاقسارتۋعا كومەكتەسەتىن UILء-دىڭ بارلىق باستامالارىن قارجىلاندىرادى. ءقازىر UILء-دىڭ باستاماسى بانگلادەشتە، كوت-د'يۆۋاردا، ەگيپەتتە، نيگەريادا جانە پاكىستاندا جۇزەگە اسىپ جاتىر.
بىلە بىلسەك، Huawei – جاھاندىق ساۋاتتىلىق اليانسى قاۋىمداستىعى مۇشەسى بولعان العاشقى جەكەمەنشىك كومپانيانىڭ ءبىرى. ولاردىڭ كوزدەگەن ماقساتتارى دا ءبىر: ياعني جاستارعا سيفرلىق ءبىلىم بەرۋ.
«ءسات سايىن تولاسسىز وزگەرىپ وتىرعان زامان ءومىر بويى ساپالى ءبىلىم الۋ ءۇشىن كۇشىمىزدى بىرىكتىرىپ، سەنىمدى سەرىكتەستىكتى قۇرۋدى قاجەت ەتەدى»، – دەيدى UIL ديرەكتورى ديەۆيد ەچوارەنا ءىس-شارا بارىسىندا.
ونىڭ ايتۋىنشا، مۇنداي تاجىريبە الماسۋدىڭ ءوز ارتىقشىلىعى بار.
– Huawei كومپانياسىنىڭ يننوۆاسيالاردى ۇيرەنۋدەگى تاجىريبەسى جاھاندىق ساۋاتتىلىق اليانسى ءۇشىن ۇلكەن ارتىقشىلىق دەپ ايتۋعا بولادى. وسىنداي بىرلەسكەن جوبالار بۇل قوعامدا ەشكىمنىڭ ارتتا قالماۋىن قامتاماسىز ەتەدى، – دەيدى ەچوارەنا.
Huawei كورپوراتيۆتىك كوممۋنيكاسيالار جونىندەگى ۆيسە-پرەزيدەنتى ۆيكي چجاننىڭ ايتۋىنشا:
«ومىردە جەتىستىككە جەتۋدىڭ جولى – دۇرىس ءبىلىم الۋ. تەحنولوگيا سەكتورىنداعى الەمگە ايگىلى كومپانيانىڭ ءبىرى رەتىندە Huawei ءوزىن الەمنىڭ تۇكپىر-تۇكپىرىندە تەحنولوگيالىق ادىس-تاسىلدەردى قامتاماسىز ەتۋگە جاۋاپتى دەپ سانايدى. سول سەبەپتى ونى ەلگە ءسىڭىرۋ ءۇشىن قولدان كەلگەننىڭ ءبارىن جاساۋعا ءتيىسپىز. وسى مىندەتتى ءتيىمدى جۇزەگە اسىرۋدا يۋنەسكو-مەن كۇش بىرىكتىرگەنىمىزدى ماقتان ەتەمىز».
Huawei سيفرلىق تالانتتى – سيفرلىق ترانسفورماسياعا، سەنىمدى ەكونوميكالىق وسۋگە جانە ءومىر ساپاسىن جاقسارتۋعا قول جەتكىزۋدىڭ نەگىزگى فاكتورى دەپ سانايدى.
وسىعان وراي Huawei 2008 جىلدان باستاپ تالانتتى ادامدارعا ارنالعان اۋقىمدى ءارى تۇراقتى تۇردە دامىپ وتىراتىن باعدارلامانى ۇسىنادى. «Seeds for the Future» باعدارلاماسىنىڭ قولداۋىمەن Huawei جىل سايىن ون مىڭداعان ادامعا (جاس ەرەكشەلىكتەرىنە قاراماستان) ستيپەنديا مەن سيفرلىق وقىتۋ كۋرستارىن ۇسىنادى. سونىمەن قاتار كومپانيا ستۋدەنتتەردىڭ ءبىلىمىن جەتىلدىرە تۇسەتىن سايىستاردى ۇيىمداستىرىپ قانا قويماي، ولاردىڭ باعالى سىيلىق يەلەنىپ، جاڭا دوستار تابۋىنا مۇمكىندىك بەرەدى.
بۇگىندە Huaweiء-دىڭ «Seeds for the Future» باعدارلاماسى 150-دەن استام ەلدە 2،2 ميلليونداي تالانتتى جاستاردىڭ وسۋىنە جول اشتى.
كومپانيانىڭ اقپاراتتىق-كوممۋنيكاسيالىق تەحنولوگيا اكادەميالارى جىل سايىن 200 مىڭعا جۋىق ستۋدەنتتى وقىتىپ جاتىر. 2021 جىلى Huawei 150 ميلليون اقش دوللارىن ينۆەستيسيالاعانىن جانە 2026 جىلعا دەيىن تالانتتى جاستاردىڭ ءبىلىمىن ارتتىرۋ ءۇشىن تاعى 150 ميلليون اقش دوللار ينۆەستيسيا بولەتىنىن ايتقان ەدى. بۇل باعدارلامانى تاعى 3 ميلليونداي ادام پايدالانا الادى.
https://dalanews.kz/news/83274-qazaq-zhastarynyng-it-industriiadagy-ideia
