استانادا Digital Bridge 2022 ءتورتىنشى حالىقارالىق تەحنولوگيالىق فورۋمى جەمىستى ءوتتى. مەملەكەتتىك ورگانداردىڭ وكىلدەرى، ۆەنچۋرلىق ينۆەستورلار، تەحنولوگيالىق كاسىپكەرلەر جانە جەتەكشى قازاقستاندىق جانە حالىقارالىق ساراپشىلار، ونىڭ ىشىندە Huawei Technologies Kazakhstan ماماندارى سيفرلىق تەحنولوگيا سالاسىنداعى وزەكتى ماسەلەلەردى تالقىلاۋ ءۇشىن ءبىر الاڭعا جينالادى. تالقىلاۋدىڭ باستى ماقساتى - زاماناۋي وندىرىستىك پروسەستەردى تۇرلەندىرۋ جانە جاڭعىرتۋ جولدارىن ىزدەۋ.
شارانى قازاقستان رەسپۋبليكاسىنىڭ سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى استانا قالاسى اكىمدىگىنىڭ جانە Astana Hub IT-ستارتاپتار حالىقارالىق تەحنوپاركىنىڭ قاتىسۋىمەن ۇيىمداستىرىپ وتىر. فورۋمدى وتكىزۋگە سونىمەن بىرگە Huawei Technologies Kazakhstan، Kaspi Bank، Tech Culture، KPMG سىندى تەحنولوگيالىق الپاۋىتتار ات سالىستى.
بيىلعى Digital Bridge فورۋمىنىڭ باستى تاقىرىبى «Central Eurasia as a New Tech Platform - ورتالىق ەۋرازيا جاڭا تەحنولوگيالىق پلاتفورما رەتىندە» تۇجىرىمداماسى بولدى. ەۋروپا مەن ازيا اراسىندا دانەكەر بولا وتىرىپ، قازاقستان سيفرلىق تەحنولوگيالاردى ەنگىزۋ ارقىلى ەۋرازيالىق ايماق ءۇشىن جاڭا ءومىر سالتىن قۇرۋدا. ونىمەن بىرگە، ەلىمىز ەكونوميكا دامۋدىڭ تۇبەگەيلى جاڭا ۆەكتورىنا – بولاشاقتىڭ سيفرلىق ەكونوميكاسىنا كوشۋىگە بەت الدى.
شارا اياسىندا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ قاتىسۋىمەن پلەنارلىق وتىرىس، ەكونوميكانىڭ، مەملەكەتتىك باسقارۋ مەن الەۋمەتتىك سالانىڭ تۇراقتى سيفرلىق دامۋ مۇمكىندىكتەرىن تالقىلاۋعا ارنالعان جوعارى دەڭگەيدەگى پانەلدىك سەسسيالار، تۇركى مەملەكەتتەرى ۇيىمىنا مۇشە ەلدەر مەن ورتالىق ازيا ەلدەرىنىڭ تەحنوپاركتەرى قاتىسقان كورمەلەر ۇيىمداستىرىلدى. سونداي-اق 2022 جىلعى ورتالىق ازياداعى ينتەرنەتتى باسقارۋ فورۋمى ءوتتى.
Huawei Technologies وتكىزگەن «5G on Silk Road» ميني-فورۋمى وسى ايتۋلى شارانىڭ ماڭىزدى بولىگى بولدى دەۋگە كەلەدى. بۇل جەردە سالا ماماندارى بايلانىس سالاسىنىڭ سيفرلىق ترانسفورماسياسى جانە قازاقستانداعى 5G ينفراقۇرىلىمىنىڭ ەڭ وزەكتى ماسەلەلەرىن تالقىلادى. 5G مۇمكىندىكتەرىن نەعۇرلىم ەگجەي-تەگجەيلى كورسەتۋ ءۇشىن فورۋمدا كومپانيا ۇسىنعان سوڭعى بۋىن جەلىلەرىنىڭ مۇمكىندىكتەرىمەن تانىستىراتىن كورمە الاڭى قويىلدى.
سونداي-اق فورۋم اياسىندا «Huawei Technologies Kazakhstan» كومپانياسى مەن قازاقستان رەسپۋبليكاسىنىڭ سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى جانە عىلىم جانە جوعارى ءبىلىم مينيسترلىگى اراسىندا اقپاراتتىق-كوممۋنيكاسيالىق ينفراقۇرىلىمدى دامىتۋعا باعىتتالعان ءبىرقاتار مەموراندۋمدارعا قول قويىلدى.
«بۇگىندە قازاقستان رەسپۋبليكاسى سيفرلىق ترانسفورماسيانىڭ كوپتەگەن باعىتتارى بويىنشا ەۋرازيالىق ايماقتىڭ كوشباسشىسى بولىپ تابىلادى. سيفرلىق ەكونوميكا جولىنداعى مەملەكەتتىڭ بەلسەندى ارەكەتتەرى جانە زاماناۋي اكت ينفراقۇرىلىمىن قۇرۋ ەل دامۋىنىڭ جاڭا ۆەكتورلارىن اشادى»، - دەدى Huawei Technologies Kazakhstan باس ديرەكتورى چجاو سيۋي.
«Huawei اكت تەحنولوگيالارى سالاسىنداعى الەمدىك كوشباسشىلاردىڭ ءبىرى رەتىندە قازاقستانداعى ينفوتەلەكوممۋنيكاسيالىق قىزمەتتەردى سيفرلىق تۇرلەندىرۋدى قولداۋ جانە ەل يندۋسترياسى ءۇشىن جاڭا قۇندىلىق جاساۋ ءۇشىن تاجىريبەسىمەن بولىسۋگە دايىن»
Huawei تۋرالى
Huawei – ينفوكوممۋنيكاسيا جانە ينفراقۇرىلىمدىق شەشىمدەردىڭ، سونداي-اق سمارت قۇرىلعىلاردىڭ جەتەكشى جاھاندىق الپاۋىتى. تەلەكوممۋنيكاسيا جەلىلەرىنە، اقپاراتتىق تەحنولوگيالارعا، سمارت قۇرىلعىلارعا جانە بۇلتتىق قىزمەتتەرگە نازار اۋدارعان Huawei سيفرلىق تەحنولوگيانى بيزنەسكە دە، تۇپكى تۇتىنۋشىلارعا دا قولجەتىمدى ەتۋگە تىرىسادى. وسىلايشا كومپانيا ينتەللەكتۋالدى، ءمىنسىز بايلانىس الەم قۇرۋ جولىندا كەلەدى.
Huawei كومپانياسىنىڭ جان-جاقتى پورتفوليوسىنداعى ونىمدەر، شەشىمدەر جانە قىزمەتتەر سەنىمدى جانە باسەكەگە قابىلەتتى. ەكوجۇيەلىك سەرىكتەستەرمەن اشىق جۇمىس جاساي وتىرىپ، Huawei ءوز تۇتىنۋشىلارىنىڭ مۇمكىندىكتەرىن كەڭەيتۋ ارقىلى ولاردىڭ كوممەرسيالىق الەۋەتىن قۇرادى.
Huawei جاھاندىق پروگرەسكە يتەرمەلەيتىن ىرگەلى زەرتتەۋلەرگە وراسان قارجى بولەدى. كومپانيادا الەمنىڭ 170-تەن استام ەلىندە 188 مىڭنان استام قىزمەتكەر جۇمىس ىستەيدى. Huawei - 1987 جىلى قۇرىلعان جەكە كومپانيا. ول تولىعىمەن ءوز قىزمەتكەرلەرىنىڭ مەنشىگىندە.
