Halyk Bank قىتايدىڭ تانىمال WeChat — QR WeChat مەسسەندجەرٸن قولدانا وتىرىپ, قولما-قول اقشاسىز تٶلەم جاساۋدىڭ جاڭا ەدٸسٸن ٸسكە قوستى. ەندٸ قازاقستاندىق كەسٸپكەرلەر WeChat Pay قوسىمشاسىندا بانكتٸڭ POS-تەرمينالدارىندا سكانەرلەنەتٸن ەمبەباپ QR-كود ارقىلى قىتاي ازاماتتارىنان تٶلەمدەر قابىلداي الادى, دەپ حابارلايدى Dalanews.kz.
قىتايلىق تۋريستەرگە, قازاقستاندىق ساۋداگەرلەرگە دە جاقسى
تٶلەم جاساۋ ٷشٸن سمارتفوننان WeChat Pay-دى اشىپ, QR كودتى سكانەرلەپ, ترانزاكتسييانى راستاۋ جەتكٸلٸكتٸ. تٶلەمدەر Halyk Bank پروتسەسسينگٸ ارقىلى تٸكەلەي جٷزەگە اسىرىلادى, بۇل جوعارى جىلدامدىققا, قاۋٸپسٸزدٸككە جەنە قوسىمشا تٶلەمدەردٸڭ الىنباۋىنا كەپٸلدٸك بەرەدٸ.
"بٸز قىتايلىق تۋريستەرگە تاۋارلار مەن قىزمەتتەردٸ ەسەپتەۋدٸڭ تانىس جەنە قولجەتٸمدٸ ەدٸسٸن ۇسىنا وتىرىپ, تٶلەم جاساۋدى جەڭٸلدەتۋگە تىرىسامىز", — دەيدٸ بانكتەگٸلەر.
قىزمەت قازٸردٸڭ ٶزٸندە ەلٸمٸزدٸڭ بٸرقاتار ساۋدا نٷكتەلەرٸندە سەتتٸ قولدانىلۋدا. ونى قوسۋ ٷشٸن كەسٸپكەرگە Halyk Bank-تەن اشقان ەسەپ ايىرىساتىن شوتى مەن POS-تەرمينال بولۋى قاجەت.
ايتا كەتسەك, WeChat Pay - قىتايداعى ەڭ تانىمال تسيفرلىق تٶلەم شەشٸمدەرٸنٸڭ بٸرٸ. 2023 جىلى پلاتفورمانىڭ بەلسەندٸ پايدالانۋشىلارى بٸر ايدا 900 ميلليوننان استى, ال WeChat ەكوجٷيەسٸندە بٷكٸل ەلەم بويىنشا 1,3 ميللياردتان استام قولدانۋشى بار. بۇل سەرۆيس قىزمەتٸنە ٸرٸ كومپانييالار, سول سەكٸلدٸ جەكە ساۋداگەرلەر تاراپىنان دا سۇرانىس جوعارى.
ساۋدا سوعىسى جاعدايىندا قىتاي تاۋارلارى قازاقستانعا لاپ قويۋى مٷمكٸن بە?
جالپى, قازٸر تاريفتەر قاقتىعىسى جاعدايىندا ماماندارمەن ەلەمدٸك ەكونوميكانىڭ رەتسەسسيياعا تٷسۋٸ, قىتاي ەكونوميكاسىنىڭ بەسەڭدەۋٸ بولجانۋدا. ەڭ باستىسى, تاريف قاقتىعىسى دەگەن بۇرىن مەجەلٸ تاۋار جەتكٸزٸلٸم باعىتتارىن بۇزىپ-جارۋدا. مەسەلەن, 145 پايىزدىق باج سالىعىنان سوڭ قىتايعا اقش-قا تاۋار ەكسپورتتاۋ تيٸمسٸز بولىپ قالۋدا. تاعىسىن تاعى دەگەندەي. ياعني, بۇعان دەيٸنگٸ ەلەم ەلدەرٸ تاۋارلارىنىڭ ايقىن جەتكٸزٸلٸم باعىتى قازٸر قييان-كەسكٸ تٷسٸنٸكسٸز جاعدايعا ۇشىراۋدا. سونىڭ ٸشٸندە "قىتاي اقش-قا ٶتپەگەن ٶز تاۋارىن قازاقستانعا لاق ەتكٸزۋٸ مٷمكٸن بە" دەگەن قاۋٸپ تە بار. قالاي دەگەنمەن دە ٸرٸ ٶندٸرۋشٸمەن ٸرگەدە وتىرعاندىقتان قازاقستانعا, ەرينە مۇندايدا قول جايىپ قاراپ وتىرۋعا بولمايدى. ساۋدا قۇرالدارىن ٶرٸستەتۋ ماڭىزدى. اقش قىتاي تاۋارلارى قوزعالىسىن "بۇعاتتاپ", بارلىق ەسٸكتٸ جابۋعا تىرىسىپ جاتقاندا, ەرينە جاعرافييالىق جاعىنان ىڭعايلى ورنالاسقان قازاقستان باسقا ەلەم ٷشٸن ۇرىمتال "تەرەزە" ٸسپەتتٸ كٶرٸنۋٸ مٷمكٸن. ەرينە, وسى جاعىنان العاندا, ونلاين-ساۋدا, تسيفرلىق تٶلەم قۇرالدارىن ٶرٸستەتۋ ارقىلى بۇل مٷمكٸندٸكتٸ ۇتىمدى پايدالانۋىمىزعا بولادى. بٸراق, مۇنىڭ ارتىندا ەكسپانتسييا تۇرعانىن ۇمىتپاعان جٶن. ماماندار دا قىتايدان قازاقستانعا ەكسپورتتالاتىن تاۋارلار كٶلەمٸ الدا كەمٸندە 20 پايىزعا ارتاتىنىن بولجاۋدا. مۇندايدا تۇتىنۋشىعا جاقسى, باعا تٶمەندەيدٸ, ال وتاندىق ٶندٸرۋشٸلەر ٷشٸن ٶتە قيىن, بەسەكەلەستٸك كٷشەيەدٸ.
قازاقستان ونسىز دا قىتايمەن "بٸر بەلدەۋ – بٸر جول" باستاماسى شەڭبەرٸندە تىعىز ەكونوميكالىق بايلانىستا. جاعرافييالىق جاعىنان دا قازاقستان قىتاي ەكسپورتىنىڭ پوتەنتسيالدى بەنەفيتسيارى ٸسپەتتٸ. ەكٸ ەل اراسىنداعى ترانزيت جىلدان جىلعا ارتىپ كەلەدٸ: قورعاس قۇرعاق پورتى, التىنكٶل تەمٸرجول دەلٸزٸ جەنە "باتىس ەۋروپا – باتىس قىتاي" جولدارى ارقىلى. ال, 2024 جىلدىڭ قورىتىندىسى بويىنشا قازاقستان مەن قىتاي اراسىنداعى تاۋاراينالىم كٶلەمٸ 43,8 ملرد دوللاردى قۇرايدى.
ەڭ باستىسى, بٷگٸندەرٸ قازاقستان شەتەلدٸك ساۋدا ونلاين-پلاتفورمالارعا قازاقستاندا تٸركەلۋدٸ مٸندەتتەپ, الىم-سالىق تٶلەتە الۋدا. بٸراق ولاردىڭ قىزمەتتەرٸنە تەۋەلدٸ بولۋ دا جاقسىلىققا اپايرمايدى. سوندىقتان بٸزگە ٶزٸندٸك ەلەكتروندى ساۋدا الاڭدارىن قۇرىپ, تٶلەم قۇرالدارىن ٶرٸستەتكەنٸ ابزال.
قازاقستانعا قىتاي تاۋارلارى عانا ەمەس, قىزمەتتەردٸڭ دە كەلۋ ىقتيمالدىلىعى جوعارى
سونداي-اق بۇل ارادا تۋريست سٶزٸ دە بەكەردەن بەكەر ايتىلماي وتىر دەپ ويلايمىز. ٶيتكەنٸ قىتايدا ادامدار جۇمىسىن تسيفرلىق ٶنٸمدەر باسقالى قاي زامان? ياعني, كٶپ جۇمىستى اسپان استى ەلٸندە قۇلتەمٸرلەر اتقارادى. ونىڭ ٷستٸنە ەكونوميكا باياۋلاپ, تاعى جۇمىس ورىندارى قىسقارسا, تاۋارمەن قوسا ادامداردىڭ ٶزٸ دە ەلٸمٸزگە جەتٸپ الۋى عاجاپ ەمەس. مەسەلەن, بٷگٸندەرٸ حالقى تىعىز الماتىدا تاكسي بولىپ جٷرگەن قىتاي ازاماتتارىن كەزدەستٸرۋگە بولادى. ولار قۇرىلىس سالاسىندا دا تٶبە كٶرسەتە باستاپتى.
قۇرىلىس نارىعىنداعى قىزمەت باعاسى تٷسٸپ كەتكەنٸن بٸزگە ايتقان الماتىلىق بريگادير تالعات بۇل جايتتى راستايدى. ونىڭ ايتۋىنشا, باعانىڭ تٷسۋٸنە سىرتتان كەلگەن جۇمىسشى كٷشٸنٸڭ ەسەرٸ بار.
"سوڭعى كەزدەرٸ تەجٸك ازاماتتار قاپتاپ كەتتٸ. باعانى سولار تٷسٸرٸپ جاتىر. ودان كەيٸن قىتايلار دا بار. ولار باعانى عانا ەمەس, مەرزٸمدٸ دە قىسقارتۋدا. مىسالى, مەنٸڭ بريگادام "ٷش ايدا بٸتٸرەمٸن" دەگەن جۇمىستى ولار بٸر ايدا جاسايتىندارىن ايتادى. سولاي جاسايدى دا. ٶيتكەنٸ ادامدى قاپتاتىپ جٸبەرەدٸ. مەن جۇمىسشى سانىن 10-نان اسىرا الماي جاتسام, ولار 50 ادامدى بٸر-اق ەكەلٸپ "تٶگەدٸ". سودان كەيٸن دە, ەرينە جۇمىستارى تەز بٸتەدٸ", - دەيدٸ ول.
وسى جاعىنان العاندا, Halyk Bank قولعا الىپ جاتقان شارا بٷگٸنگٸ كٷننٸڭ تالابىنان تۋىنداعان دٷنيە دەپ ايتساق تا بولادى.
