استانانىڭ قىلمىستىق ٸستەر جٶنٸندەگٸ اۋدانارالىق سوتى گٷلميرا ساتىبالدىنى تٶرتٸنشٸ قىلمىستىق ٸس بويىنشا كٸنەلٸ دەپ تانىدى, دەپ حابارلايدى dalanews.kz.
"اق جايىق" باسىلىمىنىڭ جازۋىنشا, وعان بۇعان دەيٸن تاعايىندالعان 12 جىل باس بوستاندىعىنان ايىرۋ جازاسى ٶزگەرٸسسٸز قالدى. الايدا سوتتالعان ەيەلدەن 8 ملرد تەڭگەدەن استام قاراجات ٶندٸرٸپ الۋ تۋرالى شەشٸم شىعارىلدى.
بۇل جولى ساتىبالدىعا الداۋ ارقىلى مٷلٸكتٸك زالال كەلتٸرۋ جەنە ٶز بەتٸنشە ەرەكەت ەتۋ بويىنشا ايىپ تاعىلعان. ٸس بويىنشا جەبٸرلەنۋشٸ رەتٸندە ونىڭ ەپكەسٸنٸڭ بۇرىنعى كٷيەۋٸ ەرٸ بۇرىنعى بيزنەس-سەرٸكتەسٸ اباي جٷنٸسوۆ تانىلعان.
جارييالانعان اقپاراتقا سەيكەس, ساتىبالدى مەن جٷنٸسوۆ بٸرگە كەسٸپ جٷرگٸزٸپ, الماتىداعى «ۆوستوچكا» تۇرعىن ٷي كەشەنٸنٸڭ قۇرىلىسىنا قاتىسقان. كەيٸن جٷنٸسوۆ ساتىبالدىمەن بايلانىستى ادامدارعا كومپانييالارداعى ٷلەستەرٸن بەرٸپ, باسقا دا قۇجاتتارعا قول قويعان.
ايىپتاۋ نۇسقاسى بويىنشا, اتالعان قۇجاتتارعا قىسىم كٶرسەتۋ ارقىلى قول قويعىزىلعان. ميحايل كوزاچكوۆتىڭ جازۋىنشا, ەر ادام بٸرنەشە اي بويى ساتىبالدىنىڭ ٷيٸنٸڭ جەرتٶلەسٸندە زاڭسىز ۇستالعان.
تۇرعىن ٷيلەر ساتىلعاننان كەيٸن جٷنٸسوۆتٸڭ «ۆتب بانك» الدىنداعى 8 ملرد تەڭگەدەن استام قارىزى قالعان.
گٷلميرا ساتىبالدى ٶزٸنە تاعىلعان ايىپتى مويىندامادى. ول تاعىلعان ايىپتىڭ مەنٸن تٷسٸنبەيتٸنٸن جەنە جٷنٸسوۆتٸڭ بانك الدىنداعى قارىزىنىڭ پايدا بولۋىنا ٶزٸنٸڭ قاتىسى جوق ەكەنٸن مەلٸمدەدٸ.
سوت ساتىبالدىنى تاعىلعان باپتار بويىنشا كٸنەلٸ دەپ تانىدى. بۇعان دەيٸن بەلگٸلەنگەن 12 جىلدىق مەرزٸمگە قوسىمشا جازا قوسىلعان جوق. دەگەنمەن ودان 8 ملرد تەڭگەدەن استام قاراجات ٶندٸرٸپ الۋ تۋرالى شەشٸم شىعارىلدى.
2023 جىلى گٷلميرا ساتىبالدىعا ٶز بەتٸنشە ەرەكەت ەتۋ, ادام ۇرلاۋ, مٷلٸكتٸ يەمدەنۋ جەنە ىسىراپ ەتۋ ٸستەرٸ بويىنشا ەكٸ ٷكٸم شىعارىلعان ەدٸ. سول كەزدە قىلمىستار جيىنتىعى بويىنشا وعان سەگٸز جىل باس بوستاندىعىنان ايىرۋ جازاسى تاعايىندالعان.
2024 جىلى بوپسالاۋ جەنە ادامدى زاڭسىز باس بوستاندىعىنان ايىرۋ ٸسٸ بويىنشا سوتتالعاننان كەيٸن ونىڭ تٷپكٸلٸكتٸ جازا مەرزٸمٸ 12 جىلعا دەيٸن ۇزارتىلدى.
جاڭا سوت ٷكٸمٸ ەزٸرگە زاڭدى كٷشٸنە ەنگەن جوق.
