گرەنلانديا ۇكىمەتى اقش-تىڭ بۇل ءوڭىردى باقىلاۋىنا الۋ نيەتىن قولدامايدى جانە ناتو-نىڭ كومەگىنە ءۇمىت ارتادى، دەپ حابارلايدى Dalanews.kz
بۇل تۋرالى دۇيسەنبى كۇنى Le Figaro باسىلىمى گرەنلانديا ۇكىمەتىنىڭ مالىمدەمەسىنە سىلتەمە جاساپ حابارلادى. ەستەرىڭىزدە بولسا، اقش پرەزيدەنتى ترامپتىڭ ارالدىڭ ءار تۇرعىنىنا اقشالاي وتەماقى بەرىپ، گرەنلانديانى يەلىگىنە الۋ نيەتى بەلگىلى بولعان.
«گرەنلانديا اقش-تىڭ ءوزىنىڭ ۇلان-عايىر اۋماعىن “يەلەنىپ الۋ” نيەتىن ەشبىر جاعدايدا قابىلدامايدى جانە قورعانىسىنىڭ ناتو اياسىندا قامتاماسىز ەتىلۋى ءۇشىن كۇش-جىگەرىن ارتتىرادى»، – دەلىنگەن مالىمدەمەدە.
سونداي-اق، ارال بيلىگى گرەنلانديانىڭ ءاردايىم باتىستىڭ قورعانىس وداعىنىڭ ءبىر بولىگى بولىپ قالا بەرەتىنىن اتاپ ءوتتى.
