گپح-عا شەكتەۋ قويىلدى: ەندٸ جاسىرىن ەڭبەك بولمايدى

سەنات ەڭبەك قۇقىقتارىن قورعاۋدى كٷشەيتۋگە باعىتتالعان زاڭدى قابىلدادى, دەپ حابارلايدى Dala News.

جاڭا نورماعا سەيكەس, ازاماتتىق-قۇقىقتىق شارتتاردى (گپح) ەڭبەك قاتىناستارىن جاسىرۋ ٷشٸن پايدالانۋعا تىيىم سالىنادى.

زاڭدا ەڭبەك قاتىناستارىنىڭ ناقتى بەلگٸلەرٸ دە كٶرسەتٸلگەن. اتاپ ايتقاندا:
– بەلگٸلٸ بٸر قىزمەت نەمەسە ماماندىق بويىنشا جۇمىس ٸستەۋ,
– قىزمەتكەردٸڭ ٸشكٸ تەرتٸپكە باعىنۋى,
– ەڭبەكاقىنىڭ جۇمىس نەتيجەسٸنە ەمەس, پروتسەسٸنە تٶلەنۋٸ.

وسى بەلگٸلەر بار جاعدايدا جۇمىس بەرۋشٸ مٸندەتتٸ تٷردە ەڭبەك شارتى رەسٸمدەۋٸ تيٸس.

سونىمەن قاتار زاڭدا بٸرقاتار ماڭىزدى ەلەۋمەتتٸك ٶزگەرٸستەر قاراستىرىلعان. ەندٸ 14 جاسقا دەيٸنگٸ بالاسى بار جالعىزباستى اتا-انالاردى جۇمىس بەرۋشٸ ٶز باستاماسىمەن جۇمىستان شىعارا المايدى.

بۇدان بٶلەك, ەڭبەك داۋلارىن شەشۋ كەزٸندە تەۋەلسٸز دەلدال تارتۋ مٷمكٸندٸگٸ ەنگٸزٸلەدٸ, ال ٶندٸرٸستەگٸ جازاتايىم وقيعالاردى تەرگەۋ كوميسسيياسىنا ادۆوكات نەمەسە جاقىن تۋىستاردى قاتىستىرۋعا رۇقسات بەرٸلەدٸ.

جاڭا زاڭ جۇمىسشىلاردىڭ قۇقىقتارىن قورعاۋدى كٷشەيتٸپ, ەڭبەك قاتىناستارىن اشىق ەرٸ ەدٸل ەتۋگە باعىتتالعان.