جاساندى ينتەللەكت الەمىندەگى ەڭ بەدەلدى تۇلعالاردىڭ ءبىرى، ايگىلى Google Researchء-تىڭ بۇرىنعى ديرەكتورى، الەمدەگى №1 AI وقۋلىعى «Artificial Intelligence: A Modern Approach» اۆتورلارىنىڭ ءبىرى پيتەر نورۆيگ قازاقستاننىڭ جوعارى ءبىلىم، عىلىم جانە تەحنولوگيا باعىتىنداعى رەفورمالارىن جوعارى باعالادى، دەپ حابارلايدى Dalanews.kz
ول بۇل پىكىرىن كاي-فۋ ءليدىڭ شاقىرۋىمەن قازاقستان پرەزيدەنتى جانىنداعى جي دامىتۋ كەڭەسىنە قاتىسقاننان كەيىن ايتتى.
پيتەر نورۆيگتىڭ ايتۋىنشا:
* قازاقستان – مۇنايلى ەل، ءبىراق ەكونوميكاسىن يي باعىتىنا باتىل بۇرىپ وتىرعان مەملەكەت.
* ەلدىڭ دەموگرافياسى جاس، جاستار تەحنولوگياعا قاتتى قىزىعادى.
* بىلىمگە ەرەكشە كوڭىل بولىنگەن: ءقازىر ەلدە 30-عا جۋىق شەتەلدىك ۋنيۆەرسيتەت فيليالدارى جۇمىس ىستەيدى.
* قازاقستان يمميگراسيا شەكتەۋلەرىن دۇرىس پايدالانىپ، شەتەلدىك ستۋدەنتتەردى كوپ تارتىپ جاتىر، ءوز ستۋدەنتتەرىن دە حالىقارالىق دەڭگەيدە وقىتۋدا.
* Startup ەكوجۇيەسى ۆەنچۋرلىق كاپيتالعا ەمەس، مەملەكەتتىك گرانتتارعا سۇيەنەدى — بۇل ەرەكشە مودەل، ءبىراق ناقتى ناتيجە بەرىپ جاتىر.
* ەلدە العاشقى «ەدينوروگتار» پايدا بولدى.
ەڭ ماڭىزدىسى — ۇكىمەت ۇزاق مەرزىمدى، بايىپتى كۋرستى ۇستانىپ وتىرعانىنا قوعامدى سەندىرە العان.
نورۆيگتىڭ ايتۋىنشا، قازاقستان بيلىگىنىڭ ايقىن باعىتى، تۇراقتى ساياساتى جانە تەحنولوگياعا سالعان ينۆەستيسياسى ەلدەگى يننوۆاسيالىق ەكوجۇيەنىڭ جىلدام وسۋىنە جاعداي جاساپ جاتىر.
