Jasandy ıntellekt álemindegi eń bedeldi tulǵalardyń biri, áıgili Google Research-tiń burynǵy dırektory, álemdegi №1 AI oqýlyǵy «Artificial Intelligence: A Modern Approach» avtorlarynyń biri Pıter Norvıg Qazaqstannyń joǵary bilim, ǵylym jáne tehnologıa baǵytyndaǵy reformalaryn joǵary baǵalady, dep habarlaıdy Dalanews.kz

Ol bul pikirin Kaı-Fý Lıdiń shaqyrýymen Qazaqstan Prezıdenti janyndaǵy JI damytý keńesine qatysqannan keıin aıtty.

Pıter Norvıgtiń aıtýynsha:

* Qazaqstan – munaıly el, biraq ekonomıkasyn II baǵytyna batyl buryp otyrǵan memleket.

* Eldiń demografıasy jas, jastar tehnologıaǵa qatty qyzyǵady.

* Bilimge erekshe kóńil bólingen: qazir elde 30-ǵa jýyq sheteldik ýnıversıtet fılıaldary jumys isteıdi.

* Qazaqstan ımıgrasıa shekteýlerin durys paıdalanyp, sheteldik stýdentterdi kóp tartyp jatyr, óz stýdentterin de halyqaralyq deńgeıde oqytýda.

* Startup ekojúıesi venchýrlyq kapıtalǵa emes, memlekettik granttarǵa súıenedi — bul erekshe model, biraq naqty nátıje berip jatyr.

* Elde alǵashqy «edınorogtar» paıda boldy.

Eń mańyzdysy — Úkimet uzaq merzimdi, baıypty kýrsty ustanyp otyrǵanyna qoǵamdy sendire alǵan.

Norvıgtiń aıtýynsha, Qazaqstan bıliginiń aıqyn baǵyty, turaqty saıasaty jáne tehnologıaǵa salǵan ınvestısıasy eldegi ınovasıalyq ekojúıeniń jyldam ósýine jaǵdaı jasap jatyr.