ٷندٸستاننىڭ حايداراباد قالاسىندا ورنالاسقان Bharat Biotech International Limited كومپانيياسىنىڭ عالىمدارى جەرشارى تۇرعىندارىنىڭ مازاسىن قاشىرعان زيكا ۆيرۋسىنا قارسى ۆاكتسينا ويلاپ تاپقاندارىن مەلٸمدەدٸ.
– بٸز زيكا ۆيرۋسىنا قارسى بٸرٸنشٸ بولىپ ۆاكتسينا ويلاپ تاپتىق. ٶزٸمٸزدٸڭ عىلىمي-زەرتتەۋ جۇمىستارىمىز بەن ٶنٸمٸمٸزدٸ تيٸستٸ ورىندارعا 9 اي بۇرىن تاپسىرعانبىز. قازٸر بٸزدٸڭ ۆاكتسينا جان-جاقتى سىناقتان ٶتٸپ جاتىر, – دەدٸ.
ماماندار جاڭا ۆاكتسينانى جانۋارلارعا, سودان كەيٸن ادامدارعا ەگٸپ, سىناقتان ٶتكٸزۋ ٷشٸن بٸراز ۋاقىتتىڭ قاجەت ەكەنٸن العا تارتۋدا.
زيكا دەرتٸ – مايمىلدار اراسىندا كەزدەسەتٸن قاتەرلٸ ينفەكتسييالىق اۋرۋدىڭ بٸر تٷرٸ. ول ادامدارعا ماسا مەن شىبىن-شٸركەيلەر ارقىلى جۇعاتىنى بەلگٸلٸ. قازٸرگٸ تاڭدا بۇل دەرتكە جەرشارىنىڭ بٸراز ادامى شالدىعىپ, شۇعىل كٶمەكتٸ قاجەتسٸنۋدە. ماماندار زيكا ۆيرۋسىنان اياعى اۋىر ەيەلدەر قاتتى ساقتانۋى كەرەك ەكەنٸن ەسكەرتۋدە. ەگەر ول جٷكتٸ ەيەلدٸڭ اعزاسىنا ەنسە, بولاشاق سەبيدٸڭ ميىن زاقىمداۋى مٷمكٸن.
ادام ەمبريونىن زەرتتەۋگە رۇقسات بەرٸلدٸ
بريتانييانىڭ فرەنسيس كريك اتىنداعى عىلىمي-زەرتتەۋ ينستيتۋتىنىڭ دوكتورى كەتي نياكان العاش رەت ادام بالاسىنىڭ ەمبريوندارىنا گەنەتيكالىق-موديفيكاتسييالىق سىناق جٷرگٸزۋ ٷشٸن بريتانييانىڭ ۇرىقتاندىرۋ جەنە ەمبريولوگييا قىزمەتٸنەن رۇقسات الدى. ەزٸرشە عالىمداردىڭ بۇل باعىتتا زەرتتەۋ جۇمىستارىن جٷرگٸزۋٸن قولداپ, قارسىلىق كٶرسەتٸپ جاتقان توپتار جەتەدٸ.
سۋدا جٷزەتٸن ستانسا
جۇرتتى تاڭعالدىرۋدان جاپوندار سۋ بەتٸندە جٷزٸپ جٷرەتٸن الىپ ەلەكتر ستانساسىنىڭ قۇرىلىسىن اياقتاعانىن مەلٸم ەتتٸ. كٷن كٶزٸنەن قۋات ٶندٸرەتٸن ستانسا Smart Energy كومپانيياسىنىڭ قاراجاتىنا سالىنعان.
2011 جىلى جاپونييادا «فۋكۋسيما-1» اەس اپاتقا ۇشىراعاننان كەيٸن جاپون بيلٸگٸ دەستٷرلٸ ەمەس قۋات كٶزدەرٸن دامىتىپ, اتوم ەنەرگەتيكاسىنان باس تارتا باستاعانى بەلگٸلٸ. قازٸر بۇل باعىتتاعى جۇمىستار قارقىندى تٷردە جٷرٸپ جاتىر. سۋدا جٷزەتٸن ەلەكتر قۋاتىن ٶندٸرەتٸن الىپ ستانسانىڭ پايدا بولۋى سونىڭ ايقىن دەلەلٸ.
