2019 جىلدىڭ 19 جەلتوقسانىندا «عىلىم ورداسىنا» قاراستى ورتالىق عىلىمي كىتاپحانانىڭ كونفەرەنس-زالىندا «ۇلى دالا – ۇلى ەسىمدەر» جوباسى اياسىندا ق.ي.ساتبايەۆ (تۋعانىنا 120 ج.)، ي.پ.نوۆوحاتسكيي مەن ر.ا.بورۋقايەۆ (تۋعاندارىنا 120 ج)، د.ن.كازانلي – (تۋعانىنا 115 ج)، گ.ن.ششەربا مەن گ.ب.جيلينسكيي (تۋعاندارىنا 105 ج)، گ.س.مەدويەۆ (تۋعانىنا 118 ج) سىندى عىلىم جانە تەحنيكا سالاسىنداعى لەنيندىك سىيلىقتىڭ يەگەرلەرى، قازاقستاندىق گەولوگيا عىلىمىنىڭ نەگىزىن قالاۋشى قايراتكەر عالىمداردىڭ ءومىرى مەن قىزمەتىنە ارنالعان «ەسكە الۋ» كەشى جانە كىتاپ كورمەسى ۇيىمداستىرىلدى.



ەسكە الۋ كەشىنىڭ باستى ماقساتى – قازاقستانداعى كەن ورىندارى مەن جەر استى بايلىقتارىن ىزدەپ تاۋىپ، ەلىمىزدىڭ حالىق شارۋاشىلىعىن دامىتۋعا ءار جىلداردا، سونىڭ ىشىندە، 1941-1945 جىلدارداعى ۇلى وتان سوعىسى كەزىندە ەلەۋلى ۇلەس قوسقان گەولوگ عالىمداردى ەسكە الۋ جانە ولاردىڭ تۇلعاسى ارقىلى جاس ۇرپاقتى تاربيەلەۋ، گەولوگيا ماماندىعىنىڭ قىر-سىرىن اڭگىمەلەي وتىرىپ، جاستاردى گەولوگ بولۋعا شاقىرۋ بولىپ تابىلادى.



اكادەميك ق.ي. ساتبايەۆتىڭ مەموريالدىق مۋزەيىنىڭ (الماتى ق.)، ش.ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ، «عىلىم ورداسى» رمك ديرەكتورىنىڭ ورىنباسارى ن.سەيدىننىڭ، ماگيسترانتتار مەن ستۋدەنتتەردىڭ، ق.ي.ساتبايەۆ اتىنداعى № 56 گيمنازياسىنىڭ وقۋشىلارىنىڭ قاتىسۋىمەن وتكەن ەسكە الۋ كەشىن بازارباي التايەۆ جۇرگىزدى.

ق.ي.ساتبايەۆ اتىنداعى گەولوگيا ينستيتۋتىنىڭ ديرەكتورى، گەولوگيا-مينەرالوگيا عىلىمىنىڭ دوكتورى، پروفەسسور گ. جولتايەۆتىڭ قۇتتىقتاۋ سوزىمەن اشىلعان كەشتە گەولوگيا-مينەرالوگيا عىلىمىنىڭ دوكتورى، اكادەميك س.م.وزدويەۆ، لابوراتوريا مەڭگەرۋشىسى ع.ق. ەرعالييەۆ، ق.ي.ساتبايەۆتىڭ نەمەرەلەرى ن.ق.جارماعامبەتوۆ پەن ا.ۆ.ترەتياكوۆ، گەولوگيا عىلىمىنىڭ ارداگەرى، گەولوگيا-مينەرولوگيا عىلىمىنىڭ دوكتورى ا.ب.دياروۆ، ي.پ. نوۆوحاتسكييدىڭ وتباسى مۇشەلەرى، گەولوگيالىق رۋدا تۇزىلىمدەرىنىڭ لابوراتورياسىنىڭ قىزمەتكەرى ە.يۋ.سەيتمۋراتوۆالار جوعارىدا ەسىمدەرى اتالعان لەنيندىك سىيلىقتىڭ يەگەرلەرى بولعان گەولوگ عالىمداردىڭ ءومىرى مەن قىزمەتى، ولاردىڭ ادامدىق قاسيەتتەرى مەن كەيبىر پەندەشىلىك قىلىقارى تۋرالى، ولاردىڭ عىلىمعا قوسقان ۇلەسى تۋرالى كەلەلى ەستەلىكتەر ايتتى.

شارا بارىسىندا ق.ي.ساتبايەۆ اتىنداعى № 56 گيمنازيانىڭ ديرەكتورى ا.ج.نۋرپەيسوۆا مەن سول گيمنازيانىڭ ق.ي.ساتبايەۆ تۋرالى تاماشا شىعارما جازعان ءبىرقاتار وقۋشىلارى ق.ي. ساتبايەۆتىڭ مەموريالدىق مۋزەيىنىڭ ماقتاۋ قاعازدارىمەن ماراپاتتالدى.

«عىلىم ورداسى» رمك ورتالىق عىلىمي كىتاپحاناسى ۇيىمداستىرعان كورمەدە قازاق گەولوگيا عىلىمى قايراتكەرلەرىنىڭ عىلىمي ەڭبەكتەرى، ولاردىڭ ءومىرى مەن قىزمەتىنە قاتىستى كىتاپتار مەن فوتولار، ساتبايەۆ مەكتەبىنىڭ قۇرىلۋى تۋرالى ماتەريالدار قويىلدى.

 

ءسابيت شىلدەباي،

ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ «حح عاسىرداعى قازاقستان تاريحى» ءبولىمىنىڭ مەڭگەرۋشىسى، تاريح عىلىمدارىنىڭ كانديداتى