Eske alý keshiniń basty maqsaty – Qazaqstandaǵy ken oryndary men jer asty bailyqtaryn izdep taýyp, elimizdiń halyq sharýashylyǵyn damytýǵa ár jyldarda, sonyń ishinde, 1941-1945 jyldardaǵy Uly Otan soǵysy kezinde eleýli úles qosqan geolog ǵalymdardy eske alý jáne olardyń tulǵasy arqyly jas urpaqty tárbieleý, geologiia mamandyǵynyń qyr-syryn áńgimelei otyryp, jastardy geolog bolýǵa shaqyrý bolyp tabylady.
Akademik Q.I. Sátbaevtyń memorialdyq mýzeiiniń (Almaty q.), Sh.Sh.Ýálihanov atyndaǵy Tarih jáne etnologiia institýtynyń, «Ǵylym ordasy» RMK direktorynyń orynbasary N.Seidinniń, magistranttar men stýdentterdiń, Q.I.Sátbaev atyndaǵy № 56 gimnaziiasynyń oqýshylarynyń qatysýymen ótken eske alý keshin Bazarbai Altaev júrgizdi.
Q.I.Sátbaev atyndaǵy Geologiia institýtynyń direktory, geologiia-mineralogiia ǵylymynyń doktory, professor G. Joltaevtyń quttyqtaý sózimen ashylǵan keshte geologiia-mineralogiia ǵylymynyń doktory, akademik S.M.Ozdoev, laboratoriia meńgerýshisi Ǵ.Q. Erǵaliev, Q.I.Sátbaevtyń nemereleri N.Q.Jarmaǵambetov pen A.V.Tretiakov, geologiia ǵylymynyń ardageri, geologiia-minerologiia ǵylymynyń doktory A.B.Diiarov, I.P. Novohatskiidiń otbasy músheleri, geologiialyq rýda túzilimderiniń laboratoriiasynyń qyzmetkeri E.Iu.Seitmýratovalar joǵaryda esimderi atalǵan Lenindik syilyqtyń iegerleri bolǵan geolog ǵalymdardyń ómiri men qyzmeti, olardyń adamdyq qasietteri men keibir pendeshilik qylyqary týraly, olardyń ǵylymǵa qosqan úlesi týraly keleli estelikter aitty.
Shara barysynda Q.I.Sátbaev atyndaǵy № 56 gimnaziianyń direktory A.J.Nýrpeisova men sol gimnaziianyń Q.I.Sátbaev týraly tamasha shyǵarma jazǵan birqatar oqýshylary Q.I. Sátbaevtyń memorialdyq mýzeiiniń maqtaý qaǵazdarymen marapattaldy.
«Ǵylym ordasy» RMK Ortalyq Ǵylymi kitaphanasy uiymdastyrǵan kórmede qazaq geologiia ǵylymy qairatkerleriniń ǵylymi eńbekteri, olardyń ómiri men qyzmetine qatysty kitaptar men fotolar, Sátbaev mektebiniń qurylýy týraly materialdar qoiyldy.
Sábit ShILDEBAI,
Sh.Ýálihanov atyndaǵy Tarih jáne etnologiia institýtynyń «HH ǵasyrdaǵy Qazaqstan tarihy» bóliminiń meńgerýshisi, tarih ǵylymdarynyń kandidaty
