![گەنري كيسسيندجەر](/uploads/images/20240128163958937.jpg)
ماقالا ۇزاق. وسى سەبەپتى ءبىز اۆتوردىڭ ەڭ وزەكتى ءارى ەڭ ماڭىزدى وي-پىكىرلەرىن ويىپ الىپ بەرگەندى ءجون كوردىك.
- ەگەر يادرولىق قارۋ تاياۋ شىعىسقا جەتسە، ەندەشە مۇنىڭ سالدارى اۋىر بولدى. اشىعىن ايتقاندا، الەمدىك دەڭگەيدەگى اپات بولادى.
- وباما مەن ەۋروپا يرانعا يادرولىق قارۋ جاساۋعا جول اشاتىن كىلتتى بەرىپ قويدى. ال ساۋد ارابياسى وزىنە يادرولىق قارۋدى ساتۋعا ءازىر تاسىمالداۋشىنى ىزدەپ ءجۇر. پاكىستان مۇنداي قارۋدى ساتۋعا ءازىر. نەنى بايقادىڭىز؟ انىعىندا، ءبىز قاشىپ قۇتىلا المايتىن اپاتتىڭ الدىندا تۇرمىز.
- سيرياداعى جاعدايعا رەسەي ارالاسقالى بەرى مۇنداعى ۇزاق جىل بويىنا ساقتالىپ كەلگەن گەوساياسي قۇرىلىم ءبىرجولاتا قۇلادى.
- ءتورت بىردەي اراب مەملەكەتى ءومىر ءسۇرۋىن توقتاتتى. بۇلار: ليۆيا، سيريا، يراك جانە يەمەن. بۇلاردىڭ بارلىعىن يگيل باسىپ الۋى مۇمكىن. «يسلام مەملەكەتى» شاريعات زاڭىمەن ءومىر سۇرەتىن جاھاندىق حاليفاتقا اينالۋدى كوزدەيدى.
- اقش پەن باتىسقا اقىلمەن ويلاستىرىلعان ستراتەگيا كەرەك. ءبىراق، مۇنداي ستراتەگيا ءازىر جوق.
- يراندى ءجونى ءتۇزۋ مەملەكەت ساناۋ – ساناسىزدىق. بالكىم، ۋاقىت وتە كەلە بۇل ەل اقش پەن باتىس ارمانداعان مەملەكەتكە اينالار. ءبىراق، قازىرگى يران «ارماگەددونعا باستايتىن جولدا تۇر».
- سيرياداعى سوعىسقا ارالاسقان پۋتين ءبىرىنشى كەزەكتە رەسەيدى قورعاپ جاتقانىن ءتۇسىنۋ كەرەك.
- يگيل بار كەزدە جانە كۇشەيىپ جاتقان تۇستا ول تاياۋ شىعىستاعى جاعدايدىڭ تۇراقسىز بولۋىنا ءاردايىم جانە اركەزدە مۇددەلى بولماق. باشار اسادتان بۇرىن، الدىمەن «يسلام مەملەكەتىنىڭ» كوزىن قۇرتۋ كەرەك.
- اقش يگيل-عا قارسى سوعىسقا رەسەيدىڭ ارالاسقانىن قولدايتىنىن اڭعارتىپ الدى. پۋتين امەريكا «يسلام مەملەكەتىنە» قارسى كۇرەسەتىن جاڭا اليانس قۇرۋدى ۇسىندى. بۇل جاقسى ناتيجە بەرۋى مۇمكىن.
P.S. كيسسيندجەر ءبىر نارسەنى ۇمىتىپ كەتتى. پۋتين شەشەن جيھاديستەرىنە قارسى اياۋسىز كۇرەس جۇرگىزگەن ادام. قازىرگى كۇنى ءدال وسى يگيل-دىڭ قۇرامىندا مىڭداعان شەشەن سوعىسىپ ءجۇر. ەرتەڭ ولار ەلگە، ياعني، رەسەي مەن شەشەنستانعا ورالسا نە بولادى؟ مىنە، ءپۋتيننىڭ «يسلام مەملەكەتىنە» قارسى سوعىسىپ جاتقانىنىڭ ءبىر سەبەبى وسىندا.
دجەيمس ليۋيس
اقش