Maqala uzaq. Osy sebepti biz avtordyń eń ózekti ári eń mańyzdy oi-pikirlerin oiyp alyp bergendi jón kórdik.
- Eger iadrolyq qarý Taiaý Shyǵysqa jetse, endeshe munyń saldary aýyr boldy. Ashyǵyn aitqanda, álemdik deńgeidegi apat bolady.
- Obama men Eýropa Iranǵa iadrolyq qarý jasaýǵa jol ashatyn kiltti berip qoidy. Al Saýd Arabiiasy ózine iadrolyq qarýdy satýǵa ázir tasymaldaýshyny izdep júr. Pákistan mundai qarýdy satýǵa ázir. Neni baiqadyńyz? Anyǵynda, biz qashyp qutyla almaityn apattyń aldynda turmyz.
- Siriiadaǵy jaǵdaiǵa Resei aralasqaly beri mundaǵy uzaq jyl boiyna saqtalyp kelgen geosaiasi qurylym birjolata qulady.
- Tórt birdei arab memleketi ómir súrýin toqtatty. Bular: Liviia, Siriia, Irak jáne Iemen. Bulardyń barlyǵyn IGIL basyp alýy múmkin. «Islam memleketi» shariǵat zańymen ómir súretin jahandyq halifatqa ainalýdy kózdeidi.
- AQSh pen Batysqa aqylmen oilastyrylǵan strategiia kerek. Biraq, mundai strategiia ázir joq.
- Irandy jóni túzý memleket sanaý – sanasyzdyq. Bálkim, ýaqyt óte kele bul el AQSh pen Batys armandaǵan memleketke ainalar. Biraq, qazirgi Iran «Armageddonǵa bastaityn jolda tur».
- Siriiadaǵy soǵysqa aralasqan Pýtin birinshi kezekte Reseidi qorǵap jatqanyn túsiný kerek.
- IGIL bar kezde jáne kúsheiip jatqan tusta ol Taiaý Shyǵystaǵy jaǵdaidyń turaqsyz bolýyna árdaiym jáne árkezde múddeli bolmaq. Bashar Asadtan buryn, aldymen «Islam memleketiniń» kózin qurtý kerek.
- AQSh IGIL-ǵa qarsy soǵysqa Reseidiń aralasqanyn qoldaitynyn ańǵartyp aldy. Pýtin Amerika «Islam memleketine» qarsy kúresetin jańa alians qurýdy usyndy. Bul jaqsy nátije berýi múmkin.
P.S. Kissindjer bir nárseni umytyp ketti. Pýtin sheshen jihadisterine qarsy aiaýsyz kúres júrgizgen adam. Qazirgi kúni dál osy IGIL-diń quramynda myńdaǵan sheshen soǵysyp júr. Erteń olar elge, iaǵni, Resei men Sheshenstanǵa oralsa ne bolady? Mine, Pýtinniń «Islam memleketine» qarsy soǵysyp jatqanynyń bir sebebi osynda.
Djeims Liýis
AQSh
