ماڭعىستاۋ وبلىسىنا وسى كۇنگە دەيىن «سپۋتنيك – V» ۆاكسيناسىنىڭ 39 550 دوزاسى جەتكىزىلدى (20 250 دوزا I كومپونەنت، 19 300 دوزا II كومپونەنت). بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى عازيز نادۋيەۆ ءمالىم ەتتى، – دەپ حابارلايدى Dalanews.kz.

ونىڭ ايتۋىنشا، 2021 جىلدىڭ 20 ساۋىرىنە دەيىن ايماقتا كوروناۆيرۋستىق ينفەكسياعا قارسى ۆاكسينانىڭ 1 كومپونەنتىن 14 027 ادام، 2 كومپونەنتىن 1 702 ادام الدى.

– ۆاكسيناسيالاۋ مەديسينالىق ۇيىمداردىڭ ەگۋ پۋنكتتەرىندە جۇرگىزىلەدى. ءقازىر 28 ەگۋ پۋنكتى جۇمىس ىستەيدى. ونىڭ 4ء-ۋى جىلجىمالى، ال قالعاندارى مەديسينالىق ۇيىمدارداردا ورنالاسقان. شەكتەۋ شارالارىنان قۇتىلىپ، بۇرىنعى قالپىمىزعا قايتا كەلۋ ءۇشىن ۆاكسيناسيادان ءوتۋىمىز كەرەك، – دەدى عازيز نادۋيەۆ.